POP 5

Lajmet më të lexuara të 5 minutave të fundit

Bota

Tentoi të grabiste vilën e Angel Di Marias në Torino, shqiptari dënohet me 6 vite burgim! Bashkëpunëtorët e tjerë ende në arrati

Prokuroria kërkoi dyfishin e dënimit, për akuza të rënda si grabitja me armë dhe kanosja me jetë, por Gjykata e përgjysmoi. Shqiptari me precedentë të shumtë penalë, nuk i tregoi shokët. Ngjarja më 6 Tetor 2022, pas kodrave të Gran Madre, argjentinasi ishte bashkë me Vlahoviç

Tentoi të grabiste vilën e Angel Di Marias në Torino, shqiptari dënohet me 6 vite burgim! Bashkëpunëtorët e tjerë ende në arrati

Argjentinasi Angel Di Maria dhe Policia italiane duke hetuar grabitjen

Torino- Drejtësia italiane dënon me 6 vite burgim shqiptarin e akuzuar për grabitjen e vilës së futbollistit argjentinas, kampionit të botës Angel Di Maria, më 6 Tetor të vitit 2022.

Prokuroria kishte kërkuar dyfishin e dënimit të tij, por Gjykata e Torinos dha vetëm gjysmën për shqiptarin e vetëm të arrestuar, emri i të cilit nuk u publikua.

Ngjarja ndodhi teksa argjentinasi ishte lojtar i Juventusit dhe ndodhej në shoqërinë e shokut të tij të skuadrës, Dushan Vlahovic, në kodrat pas Gran Madre, në Torino.

“Corriere” shkruan se i vetmi i pandehur në gjykim (me procedurë të shkurtuar), është shtetasi shqiptar, i arrestuar nga policia pas një ndjekjeje të gjatë, ndërsa bashkëpunëtorët nuk u identifikuan kurrë.

I pandehuri kishte disa dënime të mëparshme dhe u akuzua për 14 vepra penale, duke përfshirë një tjetër grabitje që dyshohet se ka ndodhur ditët e mëparshme.

Procesi pati debate, teksa gjyqtarja e seancës paraprake Angela Rizzo, pranoi një nga tezat e mbrojtësve Raffaele Della Valle dhe Cosimo Palumbo, veçanërisht në pikën e akuzës më të rëndë, asaj të tentativës për grabitje, që në fund u riklasifikua si tentativë për vjedhje.

Shqiptari shpëtoi edhe nga akuzat për qitjet me armën që më pas e hodhi, por jo nga ato për agresionin ndaj një zyrtari publik dhe shkaktimin e lëndimeve. Prokuroria kishte kërkuar gjithsej 12 vjet e 4 muaj burgim. Prokuroria pretendonte se sulmi ka qenë i frikshëm nga banda kriminale, që sulmuan të armatosur futbollistin, madje dhe me të shtëna armësh, duke i terrorizuar. kapja e shqiptarit u bë menjëherë pas krimit, kurse shokët e tij u arratisën.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Ervin Salianji dënohet me 1 vit burg për kallëzim të rremë, si e vlerësoni?

Lajme të tjera



×

Lajmi i fundit

Osmani në SHBA, takohet me ndihmëssekretarin amerikan O’Brien! Diskutojnë për sigurinë në rajon

Osmani në SHBA, takohet me ndihmëssekretarin amerikan O’Brien! Diskutojnë për sigurinë në rajon

26 Shtator, 22:35