Tentoi të përdhunojë të miturën hungareze në Durrës, kanadezi: Doja vetëm ta përqafoja (Dëshmia)

Report Tv ka zbardhur dëshminë e 50-vjeçarit kanadez Robert Hederson që u arrestua dy ditë më parë, pasi tentoi që të përdhunonte një vajzë të mitur 13-vjeçe nga Hungaria. Gazetari i Report Tv, Artur Korriku raporton se sipas burimeve nga prokuroria kanadezi nuk ka pranuar se ka dashur ta përdhunojë vajzën por vetëm se ka dashur ta përqafojë pas një bisede me të.

Por ky justifikim ka rënë ndesh me dëshminë e vajzës së mitur hungareze e cila deklaroi se kanadezin nuk e njihte dhe se ai e kishte tërhequr zvarrë për ta përdhunuar. Kanadezi Robert Hederson është arrestuar me akuzat e heqjes së lirisë së paligjshme dhe kryerje e marrëdhënieve seksuale me dhunë e mbetur në tentativë.

Por si ndodhi ngjarja?

50-vjeçari e ka parë në rrugë të miturën dhe e ka tërhequr zvarrë në një cep pallati duke tentuar ta përdhunojë. Ajo ka kërkuar ndihmë dhe banorët ja kanë hequr nga duart në zonën e plazhit në qytetin bregdetar, ndërsa e kanë goditur. Banorët e Durrësit shpëtuan vajzën dhe e rrahën kanadezin, e bënë për spital.

Më pas ka ardhur policia e njoftuar nga banorët, ndërsa kanadezi u dërgua në spital për mjekim dhe më pas u arrestua. Robert Hederson ndodhej në Shqipëri për turizëm. Mësohet se policia dhe prokuroria kanë kërkuar ndihmën e ambasadës kanadeze që mbulon vendin tonë për të mësuar mbi personalitetin e kanadezit dhe të shkuarën e tij.

Rezultoi se ai ishte dënuar disa herë në Kanada për vjedhje. Ndërsa vajza gjendej në Durrës me prindërit e saj për punë biznesi. Ata kanë një agjenci dhe shoqërojnë turistë nëpër vende të ndryshme përfshi dhe vendin tonë.

/G.M./Shqiptarja.com

TAG:
• perdhunim
• Durres
• Robert Hederson