Tentoi të vidhte banesën, arrestohet ‘skifteri’ në Fier (VIDEO)

Një 51-vjeçar është vënë në pranga nga policia pasi u kap në flagrancë duke vjedhur një banesë në fshatin Levan, në Fier. Nga policia bëhet e ditur se është arrestuar Pandeli Culi, 51 vjeç, banues në fshatin Levan.

Mësohet se arrestimi i 51 vjeçarit Culi nga policia, u bë pas ardhjes së një telefonate në sallën operative ku u njoftua se në banesën e shtetasit F.K, 53 vjeç, ka hyrë një shtetas i panjohur i cili dyshohet se po vidhte banesën.

Materialet iu referuan Prokurorisë pranë Gjykatës së Shkallës së Parë , Fier për veprën penale “Vjedhje” për veprime të mëtejshme penale.

Njoftimi i plotë i policisë:

Bashkëpunimi me komunitetin vë në pranga 51 vjeçarin, i cili u kap në flagrancë duke vjedhur në një banesë në fshatin Levan, Fier. Pas marrjes së një telefonate në Sallën Operative se në banesën e shtetasit F.K, 53 vjeç, ka hyrë një shtetas i panjohur i cili dyshohet se po vidhte banesën, menjëherë në vendngjarje ka shkuar patrulla e policisë e cila bëri të mundur kapjen në flagrancë të autorit, si dhe sekuestroi sendet e vjedhura.

Në përfundim të veprimeve të para, nga Specialistët për Hetimin e Krimeve në Komisariatin e Policisë Fier, u bë arrestimi në flagrancë i shtetasit: Pandeli Culi, 51 vjeç, banues në Levan, Fier.

Materialet i kaluan Prokurorisë pranë Gjykatës së Shkallës Parë Fier për veprën penale "Vjedhja" parashikuar nga Neni 134/1 i Kodit Penal.

Policia e Fierit falënderon qytetarët për mbështetjen dhe i fton ata të denoncojnë në numrin 112 çdo shkelje të ligjit duke i garantuar anonimatin dhe një reagim në kohë të policisë.

/b.ha./Shqiptarja.com

TAG:
• policia e fierit
• Pandeli Culi