Gjykata e Elbasanit ka dënuar me 25 vite burg Astrit Sinanaj, i cili i tentoi të vrasë biznesmenin Fuad Verzivollin më 6 maj 2017 në Elbasan duke i vendosur poshtë makinës 1 kg tritol C4, që fatmirësisht nuk shpërtheu.
Astrit Sinanaj, njihet dhe si miku i Julian Sinanaj, vrasësit me pagesë të bandës së tritolit në Vlorë, tashmë i dënuar me 30 vite burgim nga Gjykata e Krimeve të Rënda. Vendimi për dënimin e Astrit Sinanaj është marrë sot nga gjykata e Elbasanit, e cila pranoi pjesërisht kërkesën e prokurorit Xhelian Seferaj, duke deklaruar fajtor dhe dënuar me 25 vite burgim Astrit Sinanaj, të akuzuar për 4 vepra penale të “Vrasje me dashje e kryer në mënyrë të rrezikshme për jetën e shumë personave”, “Mbajtjes pa lejë të armëve shpërthyese”, “Shkatërrimit të pronës me eksploziv” dhe “Largimit i të burgosurit nga vendi i qëndrimit”.
Për Sinanaj, prokuroria kishte kërkuar dënimin me 30 vite burgim. Ndërsa personi tjetër i pandehur në këtë çështje për akuzën e “Moskallëzimit të krimit”, Thanas Thoma, një ish-punonjës kazinoje në Elbasan, është dënuar me 10 muaj burgim. Për Thomën, prokuroria kishte kërkuar në pretencën e saj, dënimin me 1.6 vite burgim.
Sipas dosjes së prokurorisë Sinanaj kishte tentuar të vriste me tritol biznesmenin Fuad Verzivollin. Verzivolli, objektivi i këtij atentati gjatë dëshmisë në gjykatë deklaroi se sulmi me tritol ndaj tij ishte financuar nga Florenc Çapja, pasi ai nuk ka asnjë njohje me Astrit Sinanaj. Sinanaj kishte shumë pak kohë që ishte liruar nga burgu, pasi rezulton i dënuar me 8 muaj burg për “Mbajtjen pa lejë të armëve”. Sinanaj, është dyshuar nga policia edhe për vendosjen e tritolit në hyrje të një tjetër klubi nate në Elbasan në pronësi të K.M., por për shkak të mungesës së provave kjo çështje tashmë është pezulluar. Sipas akuzës së Elbasanit, ngjarja e rëndë ka ndodhur në datën 6 maj 2017, ku Sinanaj ka tentuar të vrasë me 1 kg tritol C4 biznesmenin, Fuad Verzivolli.
Lënda shpërthyese është vendosur poshtë një automjeti tip “Golf” në pronësi të Verzivollit, dhe ka qenë e montuar duke u aktivizuar nga distanca. Por kjo tentativë ekzekutimi me tritol ka dështuar, pasi siç thotë prokuroria e Elbasanit, ka qenë një berber aty pranë ai që ka vënë re pakon me tritol poshtë makinës. Siç ka treguar në gjykatë, berberi ka menduar se i kishte rënë telebingo, pasi besoi se qesja poshtë makinës mund të ishte me lekë. Nga ana tjetër prokuroria shpjegon se Astrit Sinanaj, është njeriu që ka vendosur këtë sasi tritoli dhe e ka aktivizuar nga distanca me telefon. Por për shkak të mekanizmit të gabuar, ka plasur vetëm kapsolla dhe jo sasia e 1 kg e tritolit. Nëse do të plaste kjo e fundit atëherë pasojat do të ishin shumë të rënda jo vetëm për makinën por edhe për biznesmenin Fuad Verzivolli.
Ky i fundit në dëshminë që ka dhënë para gjykatës së Elbasanit ka treguar se: “Unë kam një mjet volskëagen dhe e parkoja poshtë pallatit, përballë me turizmin e vjetër. Nuk kam njohje me të pandehurin Astrit Sinanaj dhe Thanas Thoma dhe nuk kam konflikte me to, nuk i kam parë as si fytyra këta persona dhe s’kam asnjë konflikt në Elbasan. S’e di mekanizmin se si ka ndodhur ngjarja, atë e di Astriti.
Sinanaj është strehuar në shtëpinë e Gent Kllogjerit dhe aty besohet se ka ndërruar dhe rrobat, për të fshehur gjurmët. Astrit Sinanaj nuk ka asnjë gjë me mua, por ai për këtë akt kriminal do merrte lekët, të tregojë se kush do ja jepte lekët. Lekët do i merrte nga Florenc Çapja dhe nga burgu ai ka dalë në 4 prill. Ky as me njeh as e njoh. Bëjnë plane të bukura. Ka marrë lekët dhe kështu i ka bërë planet”.
Ndërkohë gjatë procesit të gjykimit prokuroria ka shpalosur dhe një provë tjetër, një përgjim ambiental mes Astrit Sinanaj dhe shokut të tij Thanas Thoma. Në ambientet e qelisë, Astriti porosit Thanasin që kur ta marrin në pyetje oficerët e porosit për të mos folur fare për ngjarjen duke i thënë: “për këtë, që na kanë thirrur s’ka asnjë fjalë…ne atë ditë”. Ndërsa Thanasi ia kthen: “E ç’na mori në qafë ne”. Mandej thotë prokuroria se të dy së bashku bisedojnë ku sërish Astrit i thotë Thanasit duke i pohuar: “se mos thyesh ëëë?, ndërsa Thanasi ia kthen: “po, jo”.
Gjithashtu prokuroria shton se nga pamjet filmike të regjistrimit të bisedave rezulton se nga shenjat dhe gjestet e bëra nga Astriti dhe konkretisht vendosja e dorës tek goja dhe tek veshi në kuptim që t’i lë me dije bashkëbiseduesit se po përgjohen.
Komente
Lajme të tjera
-
Tiranë/ Shpërthim me tritol në banesën e 72-vjeçarit në Laknas (EMRI)
13 Tetor, 10:38 -
Tritoli ndaj banesës në Vaun e Dejës, Pronari verifikon kamerat e sigurisë: Autori Ishte i maskuar, vuri tritolin dhe u largua në këmbë
23 Shtator, 08:28 -
Shkodër/ Tritol agjencisë funerale, vetëm dëme materiale! Nisin hetimet, ja pista ku dyshohet dhe pasojat e shpërthimit (VIDEO dhe FOTO)
29 Gusht, 07:09 -
Përplasja e bandave në Elbasan, C4 që do kishte shkaktuar masakër në treg! Çfarë rrëfeu shënjestra: Isha postieri, shënjestra…
28 Korrik, 22:11 -
Shpërthim me tritol pranë banesës së Meard Berberit në Pogradec, organizator i sulmit me armë ndaj Hotel Volorekës në 2020! I dënuar 5 herë
22 Korrik, 07:39 -
Xhovana Nikolli akuzon Nuredin Dumanin se i vuri tritol në derën e banesës: S'është burrë por ordiner
17 Korrik, 16:21 -
Elbasan, shpërthim me tritol në banesën e 59-vjeçarit! Plagoset rëndë fqinji i tij! Babai i 26-vjeçarit: Shteti të gjejë sa më parë atentatorin
14 Korrik, 09:10
-
Tritol policit të Krimeve në derën e banesës në Shkodër, dy autorët e maskuar ikën me motor! Efektivi: Shkak detyra, s’kam konflikte (VIDEO)
3 Korrik, 07:50 -
Franca zbërthen SKYECC, zbulohet konflikti i Ervin Matës me nipin e ish-deputetit Rraja
28 Maj, 16:21
-
Tritol pranë hotelit të kryetarit të Rithemelimit në Malësi të Madhe, u dëmtua reklama! Sterkaj: Shpërthimi jo në pronën time, por në parking
24 Maj, 09:27 -
Durrës, i vuri tritol magazinës, në kërkim 24 vjeçari
15 Maj, 13:31 -
I vunë tritol banesës, merret në mbrojtje për 6 muaj gjyqtari i Shkodrës, Tonin Sterkaj e familja e tij! Video kur u vendos eksplozivi e shpërthimi
29 Prill, 14:05
Un mendoj se duhet te lirohet menjehere,perderisa po lirohet Dritan Dajti me 6 vrasje.
Përgjigjukta qe tentoin i mbysin kta kur se ata qe vrasin dalin
Përgjigju