Një 28-vjeçar u arrestua nga policia në Lezhë pasi tentoi të vriste nënën e bashkëjetueses së tij duke e përplasur me automjet. Ngjarja ndodhi në lagjen “Skënderbeg”, ku 43-vjeçarja Klementina Huti mbeti e plagosur dhe u dërgua në Spitalin e Traumës në Tiranë, ku vijon të marrë trajtim mjekësor për shkak të plagëve të marra në disa pjesë të trupit.

Sipas të dhënave, i riu kishte shkuar me makinë për të marrë bashkëjetuesen e tij dhe, në momentin që kanë dalë familjarët e saj, për motive që lidhen me marrëdhëniet familjare, ai ka drejtuar automjetin në drejtim të nënës së saj, duke e goditur dhe më pas është larguar nga vendi i ngjarjes.

Bashkëshorti i të plagosurës, Agron Huti, ka treguar ngjarjen, duke kërkuar ndëshkim maksimal për autorin.

“Parmbrëmë në orën 02:04 minuta. Në moment e kam çuar me makina kështu, pastaj ka ardhur Policia atje. E kemi çuar te spitali i Traumës. Pjesën e shpatullës deri te kofsha. Komplet pjesën e brinjëve. S’kam pasur probleme fare. Krejt inatin e ka pasur me nusen, me nusen teme”, ka thënë bashkëshorti i të dëmtuarës.

Ndërkohë, policia reagoi menjëherë pas sinjalizimit për ngjarjen, duke lokalizuar dhe arrestuar 28-vjeçarin Cuf Behi në kuadër të operacionit policor “Reagimi”. Ai akuzohet për veprën penale “Vrasja për shkak të marrëdhënieve familjare”, mbetur në tentativë.

Në cilësinë e provës materiale është sekuestruar automjeti i përdorur në ngjarje, ndërsa materialet i janë referuar Prokurorisë së Lezhës për veprime të mëtejshme.

R.Xh/K.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Qershor, 15:40

    Si ju duket plani i protestës për të shpërndarë qeverinë e Kuvendin dhe zgjedhja me short mes qytetarëve?

Lajme të tjera