GJIROKASTER -  Një 39 vjecar, i ka dhënë fund jetës teksa është hedhur në mënyrë të vullnetshme nga balkoni i apartamentit ku ai banonte.

Ngjarja ka ndodhur në orët e mesditës së sotme në qytetin e Tepelenës kur Ylli Durmishi 39 vjeç në kushtet e depresionit u hodh nga kati i katërt i pallatit duke vdekur pas disa minutash rrugës për në Spitalin Rajonal “Omer Nishani” të Gjirokastrës.

Të gjithë skenën e kanë parë prindërit e viktimës të cilët nuk kanë mundur dot, të shpëtojnë në momentet finale të aktit, të birin e tyre për të ndalur aktin e vetvrasjes. Komshinjtë e familjes Dyrmishi e cila jeton në një apartament në lagjen “Selam Musai”, pranojnë se viktima, prej dhjetë vitesh trajtohej me ilace si pasojë e depresionit pas prishjes së martesës së tij.

Ngjarja e sotme, e çon në tre numrin e personave të vevrarë këtë vit në Qarkun e Gjirokastrës.

(sg/shqiptarja.com)