POP 5

Lajmet më të lexuara të 5 minutave të fundit

Sociale

Tepelenë/ Borxhet ndaj Ujësjellësit kapin shifrën e 120 mijë eurove! Familjet e varfëra dhe Bashkia nuk paguajnë ujin

Një mal i madh borxhesh është krijuar në ndërmarrjen e ujësjellësit të Tepelenës. Drejtori thotë se prej 17 vitesh me qindra familje nuk e paguajnë faturën e ujit. Debitore është dhe bashkia e Tepelenës por së fundmi ka nisur të shlyej faturat e prapambetura. Në total borxhi ndaj ujësjellësit kap shifrën e 120 mijë eurove. 

Borxhet ndaj Ndërmarrjes së Ujësjellës-Kanalizimeve në Tepelenë kalojnë shifrën e 120 mijë eurove.

Kjo shumatore është e akumuluar prej 17 vitesh dhe debitorët familjarë ende nuk kujtohen që të shlyejnë detyrimet e prapambetura.

Sipas drejtorit të Ujësjellësit të Tepelenës Jetnor Haska, borxhi është e akumuluar qysh prej vitit 2007 e deri me sot nga debitorët familjarë, kryesisht familje pa të ardhura duke shkaktuar probleme në bilancet vjetore të ndërmarrjes.

‘Klienti pasiv ka borxhe, klienti pasiv nuk i faturohet ujëm, i vete tarifa e shërbimit dhe taksa. Vlerësohet gati 120 mln lekë të vjetra. Ka që nga 2015, sistemi ka që nga 2015, por ka që nga 2007’, thotë Haska.

Sipas tij, në disa raste debitorët janë kallëzuar penalisht duke vjelur detyrimet e prapambetura përmes vendimeve gjyqësore të zbatuara nga zyrat e përmbarimit.

‘Jemi drejtuar Përmbarimit. Mund të kemi 40 raste. Kanë qenë me Përmbarim, që nga viti 2018’, shton Haska.

Përsa i përket institucioneve debitore ndaj ujësjellësit, është vetëm Bashkia e Tepelenës e cila sipas Haskajt, po shlyen këtë debi të prapambetur prej më shumë se 14 vitesh, ndërsa institucione të tjera debitore nuk ka.

‘Ka institucione, që ka bashkia disa kontrata. Edhe vazhdon po i shlyejmë’, tha drejtori i Ujësjellësit Tepelenë.

Ndonëse është investuar në rrjetin e përcjelljes së ujit të pijshëm në këtë bashki, humbjet në rrjet nuk mungojnë, madje janë në shifra serioze. Sipas Haskajt, këto humbje janë në masën 37%. Tepelena është një zonë e pasur me burime të shumta në të dy anët e brigjeve të Vjosës.

G.K/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

VIDEO/ Dortmund fiton pas tre barazimeve dhe kap zonën evropiane

VIDEO/ Dortmund fiton pas tre barazimeve dhe kap zonën evropiane

22 Dhjetor, 21:10