Nuk kanë të sosur çudirat në institucionin e Presidencës. Në kulmin sulmeve dhe kërcënimeve me burg ndaj mediave, sidomos ndaj Report Tv dhe Shqiptarja.com, për shkak të zbulimit të skandalit me nënshtetësitë, zëdhënësi i Presidentit Ilir Meta, Tedi Blushi, befas ka deklaruar sot tërheqjen nga ‘vija e parë e frontit’, duke u fshehur pas një ferme, lëvizje kjo që nuk shkon për shtat me ‘trimëritë’ që ka demostruar Presidenti muajit e fundit. 

Zëdhënësi i Metës njoftoi se nga sot kompetencën që i ka deleguar Meta për të folur në emër të Presidentit, ai ia delegon një prej ndihmësve të tij, Sara Lleshi. Ndërkaq, llogaria në rrjetin social Facebook me emrin ‘Sara Lleshi’ është hapur vetëm ditën e sotme dhe ka vetëm disa ndjekës. 

Sara Lleshi mësohet se sapo është punësuar në Presidencë. Edhe pse pa një identitet dhe historik, ajo është ngarkuar menjëherë me detyrën e rëndësishme që kryente Blushi deri më sot. Në fakt, profili i saj në Facebook thjeshtë do të përdoret nga Meta për të publikuar sulmet që gatuhen nga e njëjta dorë të në Presidencë. Sulmet do të dalin nga e njëjta llogari, por me emër të ndryshuar. Dhe profili me emrin Sara Lleshi ka hyrë menjëherë në veprim. 

Një orë pasi zëdhënësi i Metës njoftoi tërheqjen, ndihmësja e panjohur ka startuar me një deklaratë të vrullshme, duke i kujtuar kryetarit të grupit parlamentar të Partisë Socialiste, Taulant Balla, se “Meta është shpallur “Luani i Artë” i Venecias”. 

A janë të denja dhe serioze marifete të tilla në institucionin e Presidencë, që sipas Kushtetutës përfaqëson unitetin e popullit?! Pas dhënies së nënshtetësisë shqiptare për 8 orë një futbollisti afrikan, ndoshta nuk ka më vend për t’u befasuar për atë që ndodh në këtë institucion.

Njoftimi i Tedi Blushit

Njoftimi i Sara Lleshit