POP 5

Lajmet më të lexuara të 5 minutave të fundit

Ekonomi

Tërmet financiar, dalin
sekretet e një parajse fiskale

Instituti botëror i gazetarëve investigativë ”International Consortium of Investigative Journalist” (ICIJ), me bazë në Uashington, ka zbuluar sot sekretet lidhur me fonde të fshehura na një nga parajsat fiskale të botës prej biznesmenëve dhe politikanëve nga e gjithë bota
Tërmet financiar, dalin <br />sekretet e një parajse fiskale
TIRANE - Instituti botëror i gazetarëve investigativë ”International Consortium of Investigative Journalist” (ICIJ), me bazë në Uashington, ka zbuluar sot sekretet lidhur me fonde të fshehura na një nga parajsat fiskale të botës prej biznesmenëve dhe politikanëve nga e gjithë bota. ICIJ ka arritur të vejë dorë mbi 2.5 milionë dosje që tregojnë llogaritë sekrete dhe transaksionet e fshehta të pasanikëve më të mëdhenj të planetit.

Në hetim kanë marrë pjesë 86 gazetarë nga e gjithë bota. Skandali më i ri është pagëzuar „Offshore leaks”, në analogji me Wikileaks-in.

Fjala është për një informacion prej 260 gigabajtësh, që është mundur të sigurohet në rrugë jozyrtare nga bankat e ishullit British Virgin Island në Karaibe, i njohur për fshehje të të dhënave bankare.

Mes personave të pajisur me llogari bankare ‘offshore’ janë rreth 4 mijë amerikanë, por edhe oligarkë rusë, biznesmenë nga Lindja e Mesme dhe politikanë nga e gjithë bota. Nga Rusia figurojnë edhe bashkëshortja e zëvendëskryeministrit të parë Igor Shuvalov si dhe menaxherë të lartë të kompanive kontraktore ushtarake dhe të burimeve natyrore.

"Funksionarë qeveritarë, familjarët e tyre dhe ortakët në Azerbaixhan, Rusi, Kanada, Pakistan, Filipine, Tajlandë, Mongoli dhe vende të tjera janë bashkuar për përdorimin e kompanive private dhe llogarive bankare”, thuhet në raport. “Pasanikët kanë përdorur struktura ‘offshore’ për të marrë në zotërim vila, jahte, kryevepra artistike dhe objekte të tjera duke përfituar avantazhe fiskale përmes ruajtjes së anonimatit”, vijon dokumenti.

Shifrat e fshehura kalojnë 1 mijë miliardë dollarët.

Redaksia Online
(Gre.M/Shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Mero Baze: 700 cuba që duan t’u imponohen 700 mijë qytetarëve

Mero Baze: 700 cuba që duan t’u imponohen 700 mijë qytetarëve

26 Nëntor, 21:21 nga Mero Baze