TIRANË- Është krijuar përshtypja se pallatet e bëra gjatë kohës së Enver Hoxhës, siç shumë kush i njeh, janë më të sigurta në rast të një tërmeti, por inxhinieri Dhimitër Papa thekson se ky është një perceptim i gabuar. Në një intervistë në Report Tv, në emisionin ‘Studio Live’ me gazetarin Arbër Hitaj, Papa tha se ndërtesat pas viteve 2000 janë më të sigurta për shkak se janë ndërtuar sipas standardeve të Bashkimit Europian.
“I ndajmë ndërtesat në ato të viteve ’90 mes viteve ‘90-2000 dhe pas 2000, të fundit janë sipas standardeve europiane, ky është një avantazh. Garancia e një strukture nuk varet nga numri i kateve. Niveli i sigurisë varet nga kualiteti i projektimit dhe nga kualiteti i zbatimit dhe i ndërtimit. Ndërtesat para viteve ’90 kanë mangësitë e tyre. Si të normave të ndërtimit, se kanë respektuar normat e aso kohe, por normat kanë evoluuar. Që do të thotë janë të pasigurta. Çfarë duhet bëhet? Duhet të kontrollojnë strukturat, të marrim masë paraprake. Është një procedurë. Nuk duhet të presim një tërmet të ardhshëm. Kontrolli i strukturave përfaqëson një procedurë të përcaktuar nga ministria, duke nisur nga elementët, natyra e strukturat, bëhen llogaritjet nga inxhinierët, dhe pastaj thuhet nëse e përballon tërmetin e ardhshëm”, tha Papa në Report Tv.
Ai ka treguar edhe mënyrat se si mund të bëhet verifikimi i një godine nëse është rezistente ndaj lëkundjeve të tërmetit, ose jo.
“Drejtojuni një inxhinieri të njohur, verifikimi fillon me gjetjen e projekteve ekzistuese, kontrollohet nëse projekti ka qenë i saktë apo jo, pastaj a është zbatuar qartë. Nëse projekti nuk ekziston, objekti matet, futet në program modelohet dhe i vihen ngarkesat dhe pasi bëhet ky verifikim dilet në përftimin nëse është rezistent ose jo”, deklaroi Papa.
Teoritë e konspiracionit se tërmeti në Turqi edhe nga mbi toka dhe jo nëntoka, Papa i ka quajtur “përralla me mbret”, që nuk janë aspak të vërteta.
“Janë përralla me mbret, nuk ka asnjë forcë të prodhuar nga njeriu që mund të shkaktojë tërmet kaq të madh dhe të prodhojë një energji kaq të madhe”, shtoi inxhinieri.
Shkenca ka përparuar, mirëpo ende nuk është bërë e mundur që tërmetet të parashikohen. Këtë e konfirmon edhe inxhinieri, që thotë se ka pasur tentativa, por jo gjithmonë kanë rezultuar të suksesshme.
“Tërmetet drejtpërdrejtë nuk janë të parashikueshme, mirëpo ka metoda, duke nisur nga horizonti i nivelit të ujërave nëntokosorë, nga statistikat e kaluara, edhe nga reagimi i kafshëve ka ndodhur që kanë parashikuar tërmetin, por jo gjithmonë është preçis. Në kontaktin e pllakave ka akumulim të energjisë, por nuk e kemi zgjidhur se kur do të shkarkojë këtë energji”, shtoi inxhinieri për Report Tv.
Inxhinieri i qetësoi qytetarët shqiptarë se nuk ka gjasa që një tërmet i atyre përmasave si në Turqi që të ndodhë edhe në Shqipëri.
“Një tërmet i kësaj madhësie nuk ndodh, nuk jemi pjesë e zonave me sizmitet kaq të lartë. Maksimali është 9 ballë, ndërkohë tërmeti në Turqi ishte deri 11.5 ballë, ndërkohë që shkalla maksimale është 12 ballë. Kemi një klasifikim tërmetesh. Tek ne është maksimumi 9 ballë”, tha ai.
Në këtë kuadër, inxhinieri, tregon se cilat janë zonat më sizmike në vendin tonë.
“Pikat më të nxehta në Shqipëri janë plazhi dhe këneta e Durrësit, të pasuara nga bregdeti i Vlorës deri në Sarandë. Saranda është zona më sizmike. Dhe Korça, gjithashtu, përfundoi Papa në Report Tv.
Ky “alarm” është ngritur pas tërmetit në Turi dhe Siri, i cili është konsideruar si një ndër fatkeqësitë e mëdha, me mbi 41 mijë viktima.
Komente
Lajme të tjera
-
Rama në Selanik/ Elezi: E përdor nacionalizmin si mjet për votën e diasporës! Bala: Oksigjeni i Greqisë për pretendimet në Shqipëri është opozita
5 Nëntor, 17:24 -
'Vorio-Epiri injorancë anti-shqiptare', Ngjela në 'Studio Live': Rama shkoi në Selanik t'u tregojë se jemi të fortë
4 Nëntor, 20:06 -
‘Studio Live’, vizita e Ramës në Selanik, Llalla: Vorio-Epiri jo term i vdekur, Greqia ka ende aktiv Ligjin e Luftës! Beleri dhe Dule kërkojnë ngritjen e statujës së ‘motrës epiriote’ në Athinë
4 Nëntor, 19:32 -
Dosja 'Meta'/ Adriatik Doçi në 'Studio Live': Ja cilët persona përdori si bankomat! Është faktuar se ndërhyri për rritjen e çmimit të energjisë
4 Nëntor, 19:14 -
'PD nuk më duket në mosbindje civile, duhet të flasim për buxhetin', Pampuri në 'Studio Live': Arrestimi i Metës, për të bërës pis punën e SPAK
4 Nëntor, 17:40 -
Greqi/ Tërmet me magnitudë 5.3 në Selanik, ja ku ishte epiqendra
3 Nëntor, 18:29 -
Toska zbulon në 'Studio Live': Basha do bashkohet me Berishën para zgjedhjeve! Haklaj: Nuk afrohet me non gratën! Ai po nis dhe Gaz Bardhin në burg
1 Nëntor, 21:03 -
Atentati në Shkodër, gazetarja: Dyshime se në mjet ishte Ibrahim Lici, 30 minuta para vrasjes u fikën dritat
1 Nëntor, 20:22 -
Meta në burg, Alibeaj për Report Tv: U arrestua ish-presidenti, e çfarë pastaj, të gjithë para ligjit të barabartë! Berisha kërkon të shesë qeverinë teknike si karamele, i paaftë të fitojë zgjedhjet
1 Nëntor, 17:58 -
'Meta është në relaks total', Edmond Petraj në 'Studio Live': E ka kaluar atë momentin kur ulërinte! Për 1 vit mbyllen hetimet, rrezikon deri në 10-15 vite burg
31 Tetor, 19:11 -
Atentati në Shkodër/ Avokati Edmond Petraj: E dhimbshme skena me të pafajshmit! U krye nga vrasës me pagesë por diku u gabua
31 Tetor, 18:57 -
Ishte në SPAK për 21 janarin, Xhemal Qefalia tregon në 'Studio Live' çfarë u tha hetuesve: Jam i bindur që ndëshkimi për përgjegjësit e 4 të vrarëve do të vijë
31 Tetor, 18:17
Ne kohen e Enver Hoxhes duhet te dilte djersa curk qe te merrje provimet ne fakultet kurse tani futi paret ne dore pedagogeve pa marre asnjehere pjese ne leksione merr diplomen merr masterin dhe del inxhinjer mjek pedagog cfare te doje zemra.
PërgjigjuZ.inxhinjer,ju nuk jeni as gjeolog,as sizmolog qe te percaktoni zonat me tektonike,ju me sa kuptoj jeni ing.ndertimi.Por me aq sa kam lexuar i gjithe zona e Mesdheut lindor eshte ne grupin e pare si nje nga zonat me tektonike te botes,ku futen Indonezia,Japonia,California.Pastaj sa balle mund te bjere i radhes,kjo eshte ne meshire te natyres dhe pune e specialisteve te fushes per t'a percaktuar.Gjithashtu nuk jam dakord 100 % me mendimin tuaj se ndertesat e sotme jane me te sigurta se ato te Enverit.Cdo kohe ka ndertesa te ndertuara mire e te forta.ashtu sic ka te ndertuara keq e te dobeta.Nje i afermi im qe ka pas qene arkitekt e ing.ndertimi hoqi dore nga profesioni pikerisht pas viteve 2000' dhe e dini pse? Sepse pronaret e firmes ku punonte nuk kishin durim te prisnin per kohen e caktuar qe kerkon shkenca qe kolonat e mbushura me beton te thaheshin sic duhet,por kerkonin qe katet e pallateve te vazhdonin te hidheshin se donin te mbaronin sa me shpejt pallatet e t'i shisnin.Si njeri me integritet,preferoi me mire te bente doreheqje,se sa te bente shkelje te tilla.Dhe ne fund,kush garanton se inxhinjeri qe marr une,apo nje banor tjeter te kontrolloje cilesine e punimeve ,nuk blihet me pare nga firma ndertuese e i jep projektit e zbatimit te tij noten 10,kur ne fakt duhej te ishte 4 ?!
PërgjigjuDo shemben te ndertohen kulla te sigurta dhe banoret te marin nje shtepi te re te banesat sociale