Ministria e Drejtësisë njofton se nga tërmeti dëmtime ka vetëm në seksionin nr. 2 të burgut të Lezhës, ndërsa 119 të dënuarit janë transferuar në burgun e Reçit në Shkodër. Ministrja Gjonaj e shoqëruar nga shtabi i emergjencave gjatë këtyre orëve ka inspektuar nga afër burgjet më të prekura nga lëkundjet sizmike në Lezhë, Durrës, Fushë-Krujë dhe “Jordan Misja”( burgu313). Ministrja shprehet se gjendja shëndetësore e të dënuarve dhe paraburgosurve në të gjitha burgjet paraqitet e mirë dhe pa probleme. Të frikësuar pas tërmetit, të dënuarit telefonuan mbrëmë në Report Tv duke kërkuar që të lirohen nga qelitë dhe të nxirren në zonën e ajrimit. Por ministria thotë sot se gjendja e të dënuarve është e mirë.
Deklarata e plotë
Për shkak të situatës së krijuar si pasojë e lëkundjeve sizmike, Ministri i Drejtësisë ka ngritur shtabin e emergjencave me qëllim ndjekjen dhe përballimin e gjendjes aktuale në të gjithë IEVP-të e vendit. Që në momentet e para, me urdhër të ministrit të Drejtësisë, është rritur gatishmëria në masën 30% të policisë së burgjeve dhe grupeve të shoqërimit, duke kaluar në “Gadishmëri të përforcuar”, në Drejtorinë e Përgjithshme të Burgjeve dhe në15 Institucionet e Ekzekutimit të Vendimeve Penale të cilat ndodhen në zonat e prekura nga fatkeqësia natyrore. Ministrja Gjonaj, e shoqëruar nga shtabi i emergjencave gjatë këtyre orëve ka inspektuar nga afër të gjitha institucionet e ekzekutimit të vendimeve penale më të prekura nga lëkundjet sizmike, IEVP “Lezhë”, “Durrës”, “Fushë-Krujë” dhe “JordanMisja”( burgu313).
Nga vlerësimet e bëra deri më tani, pavarësisht gjendjes emocionale që ka shkaktuar paniku i lëkundjeve sizmike, gjendja shëndetësore te të dënuarit dhe paraburgosuritnë të gjitha institucionet e ekzekutimit të vendimeve penale paraqitet e mirë dhe pa probleme.Përveç dëmeve materiale nuk ka pasur asnjë problematikë tjetër lidhur me jetën dhe shëndetin e të gjithë punonjësve por edhe të dënuarve si pasojë e lëkundjeve sizmike. Ekipet e vlerësimit të Ministrisë së Drejtësisë të shoqëruar nga ekspertët e fushës, kanë kryer verifikimet në të gjitha godinat e IEVP-ve, të cilat kanë rezultuar në tërësi pa probleme serioze. Problematike nga vlerësimi i kryer paraqitet vetëm për seksionin nr 2 të IEVP-së Lezhë, duke evidentuar mungesën e qëndrueshmërisë së kësaj godine.
Për këtë arsye, gjatë orëve të paradites së ditës së sotshmeu vendos evakuimi i 119 tëtë dënuarve që qëndronin në këtë godinë duke i transferuar në IEVP-në Shkodër. Nga Drejtoria e Përgjithshme e Burgjeve janë marrë masat maksimale të sigurisë për transferimin e të dënuarve dhe aktualisht ky proces ka përfunduar dhe të 119 të dënuarit të sigurisë së zakonshme janë sistemuar në IEVP-në Shkodër. Nga ana e Ministrisë së Drejtësisë janë marrë të gjitha masat për shtimin e punonjësve të policisë së burgjeve me qëllim funksionimin normal dhe garantimin e sigurisë. Ministria e Drejtësisë së bashku me të gjitha strukturat e Drejtorisë së Përgjithshme të Burgjeve dhe të sigurisë është e angazhuar maksimalisht në marrjen e të gjitha masave për përballimin me sukses të kësaj situate si dhe duke mbajtur nën monitorim të vazhdueshëm të gjitha institucionet.
Lajme të tjera
-
Tiranë/ Ishte dënuar me 8 vite burgim për drogë në Shkodër, vdes te Onkologjiku i QSUT-së italiani 64-vjeçar! Pësoi arrest kardiak
19 Nëntor, 15:04 -
Manja: Buxheti i Ministrisë së Drejtësisë është 14.3 mld lekë, rritje fondesh e pagash! Paraburgim i ri në Kukës dhe uniforma për stafin e Burgjeve
18 Nëntor, 16:42 -
Në 2025 ndërtohet burgu i Kukësit! Merr jetë projekti anti-dronë
12 Nëntor, 17:09
-
Pr.buxheti 2025, Manja: Do të mbyllen burgjet e trashëguara nga komunizmi, paraburgim i ri në Kukës! Edhe sisteme antidron
8 Nëntor, 12:11 -
Kush është Fotaq Zaharia, nga arratia dhe pengmarrja e gruas së biznesmenit, te plagosja e shefit të Krimeve Vlorë dhe hetimi pasuror
26 Gusht, 08:54 -
Nga 70 mijë në 170 mijë lekë të reja, Drejtoria e Burgjeve 'afishon' në facebook pagat e policëve sipas gradave
13 Gusht, 15:29 -
Qeveria vendim të ri për pagën e punonjësve të burgjeve, si bëhet përllogaritja e kompensimit të ushqimit, rrugës dhe qiraja
27 Qershor, 07:00 -
Burgjet hapin dyert për festën e 1 qershorit, takime mes fëmijëve dhe prindërve të dënuar
1 Qershor, 18:55 -
Dorëhiqet nga detyra Drejtori i Përgjithshëm i Burgjeve, Admir Abrija
14 Shkurt, 11:09 -
Nëndrejtori i Burgjeve në Report Tv: Burgu ‘Jordan Misja’ në Tiranë do të rindërtohet nga e para, me kapacitet 2000 vende! Burg i ri edhe në Gjirokastër
17 Janar, 14:11 -
Punonjësit e Burgjeve një pagë shtesë për fundvit! 'Shpërblim dhe për punonjësit e bashkive e Drejtorisë së Shërbimeve Qeveritare! Ja vendimi i qeverisë
29 Dhjetor 2023, 09:42 -
Do mbyllen 10 burgje pa standarde, Manja: Do të ndërtojmë 5 të tjera! I Burrelit dhe Tepelenës do të kthehen në muze
24 Nëntor 2023, 16:55
