POP 5

Lajmet më të lexuara të 5 minutave të fundit

Bota

'Tërmeti' i YouGov: Europa shpërbëhet brenda një dekade

Kompania ndërkombëtare angleze YouGov: Më shumë se gjysma e europianëve besojnë se Bashkimi Europian mund të shpërbëhet brenda një gjenerate. Vetëm në Suedi, Danimarkë dhe Spanjë, shumica e qytetarëve do të votojnë për një Europë të bashkuar.

Europianët besojnë se BE mund të shpërbëhet. Në një sondazh të fundit, realizuar nga kompania ndërkombëtare angleze, YouGov, e cila operon në Evropë, Amerikën e Veriut, Lindjen e Mesme, Azinë dhe Paqësor, më shumë se gjysma e europianëve besojnë se Bashkimi Europian mund të shpërbëhet brenda një gjenerate.

Në Francë, Gjermani, Belgjik, Itali, Austri, Sllovaki, Rumani, Greqi, Çeki dhe Poloni, shumica e të intervistuarve besojnë se shpërbërja e Europës së Bashkuar do të ndodhë në 10-20 vitet e ardhshme.

Dhe duket se sondazhi i JuGov nuk është pa baza. Në Francë, Partia e Presidentit Emmanuel Macron, sipas sondazheve të fundit, renditet e dyta në preferenca, pas formazionit politik të ekstremit të djathtë të Marine Le Pen. Sipas sondazhit partia e Le Pen do të inaksojë 22% të votave të francezëve në zgjedhjet europiane, një nivel i pandryshueshëm krahasuar me një sondazh të mëparshëm, ndërsa  europianistet e Macron humbasin një pikë dhe renditen të dytët me 21,5%.

Pesimizmi për një Europë të bashkuar duket se eshte i përhapur me të njëjtat përqindje në Rumani, Poloni dhe Itali. Nga 14 vendet e intervistuara nga JuGov, që përbëjnë 80% të vendeve të Parlamentit Evropian, vetëm në Suedi, Danimark dhe Spanjë, shumica e qytetarëve do të votojnë për një Europë të bashkuar.

Pothuajse shtatë dekada pas krijimit të Komunitetit Europian të Qymyrit dhe Çelikut, i cili bashkoi Francën, Gjermaninë, Italinë, Belgjikën, Holandën dhe Luksemburgun në një pakt për të parandaluar luftërat e mëtejshme, sot europianët janë të shqetësuar për humbjen e prosperitetit./Përgatiti Ilir Çuçi

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Vicidoli: 18/05/2019 17:51

    Evropin e mban te bashkueme vec Berisha

    Përgjigju
  • san: 18/05/2019 14:19

    Parashikimi dhe fjala e juaj ne vesh te Perendise... Kjo gjoja Europa e bashkuar (e shpifur) eshte krijese e sajim i djallit dhe atyre qe i shkojne pas. Sa me shpejt qe te shkaterrohet kjo krijese e nemur, aq me mire per Europen e popujt e saj.

    Përgjigju
    • Fredi: 18/05/2019 15:06

      Ku je moj Janullë?

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu