Fshatrat shqiptare në kufi me Greqinë kanë pësuar dëme nga tërmeti i mbrëmshëm. Deri më tani raportohen 8 shtëpi me dëme të konsiderueshme në zonën e Devollit, ndërsa banorët kërkojnë dëmshpërblim.
Këto janë pasojat e tërmetit që ra në Greqi, por shkaktoi pasoja në fshatrat kufitare në juglindje të vendit. Mure e çati të çara janë dëmet në 8 shtëpi të fshatrave Vranisht Mançurisht dhe Shuec në zonën e Devollit.
'Situata sot është shumë shqetësuese, ka rënë suvaja. Kemi goxha dëme. Ka shkëputje muresh, kam frikë se dimrin e kemi para. Tani duam ndihëm nga shteti nëse na ndihmon, po nuk na ndihmoi shteti ishalla na ndihmon zoti.'- tha një qytetar.
![]()
'Ishte tërmet i fuqishëm, janë çarë muret, bëri shumë dëme. Askush nuk ka ardhur! Të shohim tani nuk kemi ku të jetojmë! Frika është e madhe. Ky i djeshmi ishte me tronditje të zgjatura dhe të fuqishëm'- u shpreh një qytetar.
'E tundi shumë, mora fëmijët që t'i nxirrja jashtë. Na i ka çarë shtëpia. Ja kështu këto gjëra.'- tha një banorë.
Kryebashkiaku i Devollit Eduart Duro tha se grupet e inspektimit janë të terren për evidentimin e dëmeve.
Tërmeti 5.3 goditi mbrëmjen e së dielës Greqinë me eipiqendër 2 km në perëndim të Follorinës.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)