Qeveria argumentoi në Komisionin e Ligjeve, se përse kërkon të heqë taksën për hirrën dhe kremin e qumështit, një vendim që sjell efekt negativ në buxhetin e shtetit në vlerën 18 milionë lekë.
‘Në këto dy produktet kur i vendosëm taksën në 2021, nuk patëm kontestime. Më tutje na u shfaqën dhe konstestimet e komunitetit të biznesit.’- tha Vasilika Vjero zv.ministre e Ekonomisë dhe Financave.
‘Nuk e dinte ministria më herët këtë vlerë, tani e mësoj? Një lloj revolte që ndjeva për këtë gjë. Po përse nuk i pyetët më parë grupet e interesit? Mund t’i kërkoni ndjesë?- u shpreh Fatmir Xhafaj deputet i PS-së.
Për opozitën, heqja e taksës për këto dy nënprodukte të qumështit, nuk e lehtëson klimën e biznesit në Shqipëri.
‘Vetëm vitin e parë u rënduan konsumatorët me taksa deri në 200 milionë dollarë. Në 2016 taksat vendore i dyfishuat. Prandaj kemi shqiptarë që ikin… Sot hiqni taksën e hirrës, pasi shqiptarët nuk prodhojnë dot as hirr.’- u shpreh Çupi, deputete e PD-së
‘Ky diskutim, vjen pikërisht sot, kur bordi transparencës, pa transparence rriti prapë çmimin e karburantit, por parlamenti po i ul kostot duke hequr taksën e hirrës.’- tha deputeti Oerd Bylykbashi.
‘Ndjeji o zot…’- tha Ermonela Felaj, deputete e PS-së.
2 vite më parë qeveria vendosi të taksojë 150 lekë për litër hirrën dhe kremin e qumështit, pasi asokohet, kishte një rritje të konsiderueshme të qumështit të importit dhe duhej stimuluar prodhimi vendas.
Në komisionin e Ligjeve deputetja demokrate Dhurata Çupi, ngriti shqetësimin për situatën e banorëve të Klosit e Bulqizës të prekur nga tërmeti i fundit. Çupi kërkoi që të diskutohet kjo situatë dhe të jepen të dhëna për situatën e tyre, pasi siç tha ajo janë me dhjetëra familje në qiell të hapur.
Sipas deputetes së zonës së Dibrës Aurora Mara, grupi i punës është në terren dhe janë evakuuar banorët që kanë pasur probleme. Ndërkohë ministria e Financave tha se është një fond i caktuar prej mbi 4 miliardë lekë dhe që detajohet sipas rastit.
Pjesë nga debati
Deputetja e Partisë Demokratike, Dhurata Çupi: Këtu në komisionin e ligjeve mbrojmë interesat e atyre që na kanë votuar. Dy deputetë jemi që përfaqësojmë Dibrën. Qarku Dibër ka katër ditë i goditur nga tërmeti. Vetëm dy ditët e fundit kanë rënë rreth 200 tërmete në Klos e Bulqizë. Janë shkatërruar me 10-tra shtëpi, shtuar këtu dhe shtëpitë e dëmtuara apo shkatërruara në 2019-ën. Një pallat i shkatërruar në Bulqizë, komplet I shkatërruar ka mbetur aty dhe pa asnjë lëvizje për të ndërhyrë. Zona me mot të ashpër dhe banorët janë jashtë shtëpive. Çfarë masash janë marrë për zonën në fjalë? Ne s’mund ta kalojmë në këtë formë situatën. Diskutim që s’duhet të nda ndajë politikisht, kemi të njëjtin interes. Sot duhet të ngremë zërin për një çështje shumë jetike, për një çështje shumë të prekshme këtë vit. Në Bulqizë të paktën në tërmetin e fundit kanë mbetur shumë persona jashtë banesave. Ministria e Financave të na japi një informacion të detajuar se çfarë po bëhet për banorët atje?
Kryetarja e Komisionit, Deputete e PS, Bushka: Ministria e Financave nuk është autoriteti përgjegjës për këtë çështje. Mund të diskutohet, edhe pse nuk është çështje në rendin e ditës. Unë kam komunikuar me deputet e zonës së Dibrës të PS. Zv kryeministrja Balluku më bëri me dije se grupet e emergjencës kanë qenë në gatishmëri. Është dhënë urdhër për të bërë vlerësimin e dëmeve. E kuptoj sensibilitetin tuaj. Kjo çështje na bashkon.
Deputetja e Partisë Demokratike, Dhurata Çupi: Sa është buxheti për ato zona sot? Është e padenjë kjo që bëni? Merrni mikrofonin e përgjigjeni për ministrinë e Financave.
Kryetarja e Komisionit, Deputete e PS, Bushka: Jo nuk bëhet kështu si bëhet ju, kam informacion më të gjerë se ju dhe po ja u jap dhe juve dhe publikut
Deputetja e Partisë Demokratike, Dhurata Çupi: Po çfarë është kjo, ju sillni këtu informacione që keni komunikuar në telefon.
Kryetarja e Komisionit, Deputete e PS, Bushka: Informacioni i saktë nga ministria e mbrojtjes dhe ajo e infrastrukturës përgjigjet. Ministria e Ekonomisë merret në momentin e dytë.
Mara, deputete e qarkut Dibër: E vlerësoi ndjeshmërinë e zonjës Çupi. Jemi të gjithë sensitivë kundrejt këtij fenomeni. Janë mbledhur shtabi emergjencës civile, zv kryeministrja në terren, grupi I punës në terren, familjet u evakuuan nga shtëpiat me rrezikshmëri. Unë non stop në kontakt, grupet non stop në terren.
Ministria e Financave, përfaqësuesja në komision: Fondi prej mbi 4 miliardë lekë, që detajohet sipas rastit.
Komente
Lajme të tjera
-
Godinë me qira për Gjykatën e Apelit, KLGJ kërkon 30 milionë euro shtesë! PD: Ju kemi llastuar! Kryetari Rusi: S'po bëj kërkesa luksi
15 Nëntor, 12:53 -
‘Tendera korruptiv në Bashkinë Tropojë’, Bardhi tek Komisioni i Ligjeve: SPAK të veprojë, Këshilli i Ministrave të shkarkojë Rexh Byberin
15 Nëntor, 12:45 -
Buxheti/ Bardhi fyerje ndaj Begajt: Presidenti bën takime për përshesh me gjel, po e keqpërdorni si leckë! Gjeneral i kthyer në ushtar të Ramës, po kërkon buxhet për parukeri
13 Nëntor, 13:36 -
Çështjet Ligjore/ Debate për buxhetin, deputetja e PD-së sulmon Gjykatën Kushtetuese: Duhet ta rrëzonit marrëveshjen antikombëtare Rama-Meloni! Bushka: Respektoni vendimet e Drejtësisë
13 Nëntor, 11:00 -
Debate te Komisioni i Ligjeve/ 'Dosja I.M.', Bardhi: Na tronditët Nikollën, Balla lidhi kokën me shami, çfarë u bë me të? U keqpërdorët! Sula: Na dilte i paverifikuar, s'merremi me politikë
12 Nëntor, 12:01 -
Debate dhe akuza/ Çupi: Hyn një kryebashkiak në SPAK e del tjetri, 30 i di unë! Korrupsion në pushtetin lokal, vjedhje për vota! Mazniku: Reforma Territoriale dha rezultate
11 Nëntor, 12:28 -
ILD për buxhetin: Duam 16,8 mln lekë shtesë, mungon dhoma e serverëve, s’plotësohen nevojat! Çupi-Financave: A do hidhen këto lekë për fushatë elektorale?
11 Nëntor, 11:57 -
S’u parashikua asnjë fond për buxhetin 2025, i paqartë tranzicioni i vetingut! Zbardhen 2 shkresat e Komisionerit Publik drejtuar Kuvendit
10 Nëntor, 09:48
-
Ligjet/ Bardhi akuza Prokurorit të Përgjithshëm: Olsian Çela s’ka kapur as standardin e Arta Markut! S’kemi marrë asnjë përgjigje për individët me rekorde kriminale
8 Nëntor, 14:00 -
Ligjet/ SPAK 2.17 miliardë lekë më 2025, Shehu: Kemi kërkuar shtesë për personel dhe ndërtimin e godinës së re, buxheti 111 mln lekë më pak nga nevojat
8 Nëntor, 13:36 -
Diskutime të forta te Ligjet, Bardhi: ‘Prokurori i Përgjithshëm injoroi Kuvendin, pse nuk vjen të mbrojë Buxhetin?!’ Bushka: Ka angazhime të tjera
8 Nëntor, 13:05 -
'Nuk dogjëm selinë e PS, thjesht hodhëm molotov', Braçe i përgjigjet deputetes së PD: E thotë sikur ka hedhur oriz në dasmë! Kuptoni gjë ju?
16 Tetor, 10:33
Hirra ka pasur takse?! Ka marrezi te tjera,te ngjashme me kete akoma funksionale?
Përgjigju