Tërmeti vdekjeprurës në Kinë, udhëheqësja e Tajvanit shpreh ngushëllime mes tensioneve në rajon

Tsai Ing-wen

Udhëheqësja e Tajvanit, Tsai Ing-wen, ka lënë mënjanë tensionet e vendit të saj me Kinën për të shprehur ngushëllime për familjet e 118 personave të vrarë nga tërmeti.

Tsai Ing-wen ofroi gjithashtu ndihmën e qeverisë së saj për operacionin e kërkim- shpëtimit dhe ndihmës.

“Ngushëllimet e mia të sinqerta për të gjithë ata që kanë humbur të dashurit në tërmetin e fundit në Kinën veriperëndimore. Lutemi që të gjithë të prekurit të marrin ndihmën që u nevojitet dhe shpresojmë për një shërim të shpejtë. Tajvani është i gatshëm të ofrojë ndihmë në përpjekjet për reagim ndaj fatkeqësive", shkroi ajo në X (ish-Twitter).

Kina nuk ka deklaruar nëse do të kërkojë ndihmë nga ekipet jashtë shtetit.

Tensionet midis Taipeit dhe Pekinit janë acaruar gjithnjë e më shumë vitet e fundit pasi Kina kërkon të ushtrojë pretendimet e saj për sovranitet mbi Tajvanin me presion politik dhe ushtarak.

Lajmi kryesor:

Kinë/ Tërmet 6.2 ballë në Gansu dhe Qinghai, 126 viktima dhe mbi 700 të plagosur (VIDEO+FOTO)

S.S/Shqiptarja.com

TAG:
• Kine
• termet