POP 5

Lajmet më të lexuara të 5 minutave të fundit

Kultura

Tërmeti/Inva Mula dhe 50 artistë bëhen bashkë për mbrëmjen humanitare ‘Nesër’ (VIDEO)

Rreth 50 artistët do të bëhen bashkë të dielën tek Katedralja Kulturore Ortodokse në Tiranë për një mbrëmje humanitare. Sopranoja Inva Mula tregon detajet e këtij organizimi, që ka si qëllim të ndihmojë në rimëkëmbjen e të prekurve nga tërmeti

Tërmeti, përveçse humbjeve të mëdha në jetë njerëzish edhe në dëme materiale, ka rizgjuar edhe tek mbarë shqiptarët edhe dëshirën për të ndihmuar. Sopranoja Inva Mula, na rrëfen se fill pas tij, ajo vendosi që të bënte bashkë artistët që të bëheshin pjesë e një aksioni humanitar, që do të ndihmojë sadopak të prekurit nga ky tërmet. Ndonëse, fillimisht dëshira e madhe ishte që gjithçka të zhvillohej në Durrës, por sa na tregon artistja, pas vizitës që ka bërë në këtë qytetet, dëmet e shkaktuara edhe në teatër, e bëjnë këtë të pamundur, prandaj rreth 50 artistët mbrëmjen e së dielës (8 dhjetor, ora 17.00) do t’i dhurojnë publikut kryeqytetas artin e tyre

“Ky është një aksion humanitar, e quaj të tillë, sepse tërmeti rizgjoi tek secili nga ne dëshirën për të kontribuar, për të qenë bashkë. Fillimisht lindi si ide, që ky aktivitet të bëhej në Durrës, por shkova atje dhe pashë se nevojat janë të domosdoshme, emocionalisht do të ishte shumë bukur atje, por teknikisht nuk ishte e mundur, sepse edhe në teatër ka disa dëme.  Kjo është një mbrëmje humanitare, që secili nga ne të sjell në mesazh. Mbi 50 artistë kërkuan që të jenë pjesëmarrës.  Unë mendoj se kjo është vetëm një nisëm, veçoj këtu profesor Robert Radon, i cili më tha: Si mund që t’ju ndihmoj? Kemi Irma edhe Eranda libohova, Aurela Gaçen, Jonida Maliqi, Eva Golemin, Vikena Kamenica, Enada Hoxhën etj. Apo edhe shumë aktorë, si Eva Alikaj, Mirush Kabashi, Elia Zaharia, Zamira Kita etj.,”, thotë sopranoja, e cila ka dëshirën që me të ardhurat që do të mblidhen nga kjo mbremje humanitare, që do të zgjatë deri në datë 31 dhjetorë, të ndërtohet një shkollë, apo të jenë pranë fëmijëve.  

Skenaristi Pandi Laço  edhe këngëtarja Irma Libohova tregojnë se si asnjëherë të gjithë artistët shqiptarë kanë shprehur dëshirën për të qenë bashkë, për t’u dhënë kurajo njerëzve, që janë prekur nga ky tërmet

“Mendoj se asnjëherë artistët nuk kanë qenë kaq të bashkuar edhe kaq shumë për një kauzë. Është hera e parë! Do të shtoja që qëllimi nuk është vetëm mbledhja e fondeve, sepse sot është një aksion jo kombëtar, por ka kaluar përmasat ndërkombëtare. Është një mision yni për të sjell një mesazh, sepse shqiptarët nuk gjetën vetëm solidaritetin e humbur, por u larguan nga mosmarrëveshjet edhe debatet politike që na shoqërojnë përditë, për herë të parë shqiptarët janë bërë një, janë solidarizuar edhe e rëndësishme është që të gjendet kurajo për të ndërtuar të ardhmen”, thotë Laço.

Ndërsa Albi Greva, një nga organizatorët e kësaj mbrëmje tregon më shumë, se si çdo shqiptarë brenda edhe jashtë vendit, që ka dëshirë të jap kontributin e tij në këtë aksion humanitar, mund të ndjek këtë rrugë

“Në bashkëpunim me Myticket.al me ëestrounion në të gjitha pikat, brenda edhe jashtë vendit, nëpërmjet biletave do të bëhet edhe dhurimi online. Hapat instruktive, për zgjedhjen e biletës edhe të informacioneve, së bashku me numrin e biletave që doni, (500 lekë një biletë) do të bëhet në faqen e myticket.al. Krahas dhurimit online, do të kemi mundësinë, që këtë dhurim çdo person ta bëjë edhe kesh pranë agjencive të specializuara, që bëjnë këtë shërbim”, shprehet Greva.

Në përfundim Inva Mula fton të gjithë artistët, qytetarët, artdashësit, që ditën e diel të marrin pjesë edhe ta shoqërojnë në maratonën e mbrëmjes humanitare, “Nesër”.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Presidenti ukrainas Zelensky: Kemi çdo shans për t'i dhënë fund luftës në 2025-ën

Presidenti ukrainas Zelensky: Kemi çdo shans për t'i dhënë fund luftës në 2025-ën

24 Nëntor, 08:24