POP 5

Lajmet më të lexuara të 5 minutave të fundit

Sociale

Terra Madre Balkans në Tiranë
Slow Food kundër Fast Food

Në sheshin ‘’Nënë Tereza’’ që nga dita e djeshme, po organizohet edicioni i katërt i Terra Madre Balkans që do të zgjasë deri me datë 5 qershor. Ky event organizohet për herë të parë në Shqipëri. Qëllimi i këtij edicioni është promovimi i ushqimeve tradicionale, të ashtuquajtura ‘’Slow Food’’ kundër produkteve Fast Food.  FOTO  VIDEO
Terra Madre Balkans në Tiranë<br />Slow Food kundër Fast Food
Në sheshin ‘’Nënë Tereza’’ që nga dita e djeshme, po organizohet edicioni i katërt i Terra Madre Balkans që do të zgjasë deri me datë 5 qershor. Ky event organizohet për herë të parë në Shqipëri.

Qëllimi i këtij edicioni është promovimi i ushqimeve tradicionale, të ashtuquajtura ‘’Slow Food’’ kundër produkteve Fast Food. Presidenti i Slow Food, Carlo Petrini thotë se Shqipëria ofron një mundësi të shkëlqyer produktesh tradicionale, promovimi i të cilave do t’i shërbejë jo vetëm shëndetit të njerëzve, por edhe zhvillimit ekonomik.

intervista me Carlo Petrini

‘’Qytetarët e Tiranës do kenë mundësi të shohin shumëllojshmërinë e produkteve nga gjithë këto vende. Dhe jo vetëm produktet, do mund të takojnë ata që i prodhojnë. Njerëz që shpesh punojnë në kushte shumë të vështira, nëpër male, në vende të izoluara. Unë mendoj se janë pikërisht këta thesari i vërtetë i fshehur i Evropës” tha ai për Report Tv.

terra madre

Në ketë event ka mbi 10 stenda të mbushura me produkte të prodhuara në 12 vende (Bosnje dhe Herzegovina, Bullgaria, Kroacia, Greqia, Kosova, Mali i Zi, Republika e Maqedonisë, Rumania, Serbia, Turqia, Italia dhe Shqipëria).

terra madre
Sipas programit të Terra Madre Balkans 2016 do të ketë degustime, koncerte workshope dhe konferenca. Disa nga temat e diskutimit do të jenë: ‘’Lufta kundër urisë botërore’’, ‘’Qasja në tregje, qasje drejt mundësive’’, ‘’Fermerët në krye!Konferenca Ndërkombëtare Shkencore’’, ‘’Turizmi i qëndrueshëm rural, agrogurizmi dhe qasja drejt bujqësisë multifunksionale’’.

tera madre

Në event me datë 2 qershor, për nder të Ditës së Republikës italiane kanë qenë të pranishëm Chef Sokol Prenga, Delikatesë, Chef Oltion Veshi, Koteci(Aleanca Slow Food e Kuzhinierëve).

terra madre
 FOTO

Shqipëria po përfaqësohet në event nga djathi Mishavanë që është produkt i 17 familjeve nga rajoni i Kelmendit në veri të Shqipërisë dhe me presidin e Glikosë së Përmetit, e cila përgatitet nga fruta dhe perime të ndryshme nga luginat e epërme të lumit Vjosa. Në këtë event janë prezantuar gjithashtu edhe Prodhuesit e Vajit te Ullirit nga Elbasani, Kultivuesit dhe prodhuesit e Verës Kallmet dhe Prodhuesit nga Lepusha (Kelmend-Malësi e Madhe).

Redaksia Online 
Al.N/Shqiptarja.com
 

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Zjarret në aeroplanët e transportit të mallrave, dyshohet se u organizuan nga Moska

Zjarret në aeroplanët e transportit të mallrave, dyshohet se u organizuan nga Moska

5 Nëntor, 22:12