‘Territorialja’, ish kreu i PD Mallakastër: Bashkitë të mos mbeten në oreksin e kryeministrit! Shumë punonjës marrin rrogën e rrijnë në shtëpi

 

Ish kreu i PD në Mallakastër, Agron Kapllanaj kërkoi që kryeministri apo qeveria të mos ndikojë më në financat e Bashkive. Në fjalën e tij në Komisionin e Reformës Territoriale, u shpreh se ka qenë i diskriminuar kur ka drejtuar Mallakastrën. Ai u shpreh se një tjetër problematikë është edhe ndarja e granteve, që sipas tij nuk duhet të mbetet në orekset e çdo kryeministri. Ndër të tjera bëri kërkesë që numri i punonjësve të bashkisë të jetë me ligj, jo të bëhet me urdhër partie. 

“Zona Fratarit në Mallakastër mund të ishte më vete. Bashkia jonë jo e madhe dhe e vogël, dhe territori është shumë i madh dhe jo çdo pjesë e aksesueshme. Sa i përket menaxhimit të financave, duhet të marrë fund preferenca e një kryeministri. Duhet të bëhet me një reformë në parlament se nuk mundet që Bashkia të mbetet në oreksin e një kryeministri apo qeverie, financoj apo jo unë.

LEXO EDHE:
Çelet në Lushnjë panairi ‘Ditët e Bujqësisë’, pjesëmarrëse 94 kompani nga vendi, rajoni e bota

Kur kam drejtuar Mallakastrën, kam qenë i diskriminuar. Ja kam thënë edhe kryeministrit. Administrata të na thotë që ky projekt ka mangësi, ka probleme, le të ma thonë. Nuk më ka ardhur asnjë vërejtje për asnjë lloj projekti.  

Numri i punonjësve të bashkisë të jetë me ligj, jo me urdhër partie sipas oreksit gjatë fushatës zgjedhore. Shumë s’vijnë në punë dhe marrin rrogën e rrinë në shtëpi se kështu është interesi i partisë. Bëjmë dëm të madh jo vetëm tek financa e bashkisë, por edhe tek këta persona që mësohen me dembelizëm. Doja t’ju bëja një thirrje ju si përfaqësues politik, le të mos fillojmë debatet kush ka kërkuar Reformën, por të miratojmë një Reformë Territoriale ndër vite për të mirën e qytetarëve”, tha Kapllanaj.

Lajmi kryesor:

'Territorialja'/ Mazniku: Të bashkohet Vora dhe Kamza me Tiranën! Kapllanaj: Të marrë fund dhënia e financave sipas dëshirave të Ramës

A.M./Shqiptarja.com

TAG:
• reforma territoriale
• Dhurata Cupi
• anila denaj