Tetë hotele për pushime të paharrueshme dimërore

Tetë hotele për pushime të paharrueshme dimërore

Hoteli në kështjellën Kranzbach, Gjermani

Dimri është një kohë e shkëlqyer për të udhëtuar. Një përzgjedhje për arratisjet më të këndshme dimërore në Evropë.

Icehotel, Jukkasjärvi, Suedi

Skulpturë akulli e vitit 2019 para hotelit Jukkasjärvi në Suedi

Udhëtarët e guximshëm duhet të shikojnë hotelin e ftohtë të akullit të Jukkasjärvi, rreth 200 kilometra në veri të Rrethit Arktik. E ndërtuar nga akulli, ky mjedis duket ndryshe çdo vit, pasi artistët ridizajnojnë mjediset e tij. Hoteli ka 12 suitat dhe 24 dhoma standard si dhe një hollqendror me 40 kolona akulli. Në prill gjithçka shkrin. E pra çdo gjë në harmoni të plotë me natyrën.

Hotel Arctic Treehouse, Rovaniemi, Finlandë

Hoteli Arctic Tree House, Rovaniemi, Finlandë

Qyteti finlandez i Rovaniemit ka shumë hotele për të akomoduar vizitorët. Ndër më të bukurit është hoteli Arctic Treehouse. Kabinat e tij komode të vendosura mbi kolona druri, kanë soba me dru dhe dritare të mëdha që ofrojnë pamje fantastike të pyllit përreth të mbuluar me borë. Nuk ka më komode se kaq.

Hotel Sorrisniva Igloo, Alta, Norvegji

Hoteli Iglu, Sorrisniva, Alta, Norvegji

Fshati Alta i Norvegjisë ndodhet në veriun me popullsi të rrallë të vendit. Ai gjithashtu përmban një hotel fantastik akull të ftohtë që ia vlen të vizitohet. Për më tepër, rajoni është një nga vendet më të mira për të parë Aurora Borealis me ngjyra verbuese, e njohur më mirë si dritat polare.

Hotel Artic, Ilulissat, Danimarkë

Hotel Arktik, Groenlandë, Danimarkë

Hoteli më verior i Danimarkës me katër yje ndodhet në Rrethin Arktik, konkretisht në Groenlandë, rreth 3000 kilometra nga kryeqyteti danez Kopenhagen. I vendosur në brigjet e Ilulissat Icefjord, qëndrimi këtu ofron një përvojë të paharrueshme. Nëse jeni duke kërkuar për një kohë edhe më të jashtëzakonshme, rezervoni një natë në një nga kabinat e tij që ofrojnë pamje mahnitëse të natyrës.

Fshati Igloo, Zermatt, Zvicër

Hotel Igloo, Zermatt, Zvicër

Drejtohuni për në fshatin Igloo në Zermatt, në Alpet Zvicerane, nëse ju pëlqen një emocion i ftohtë. E vendosur në 2,700 metra, kjo është një strehë unike në lartësi të madhe. Temperaturat brenda dhomës janë pak nën zero. Por mos kini frikë: thasët e gjumit alpin sigurojnë një gjumë të thellë. Ekziston edhe një vorbull e nxehtë në natyrë me pamje mahnitëse.

Chalet Grand Fluh, Austri

Chalet Grand Flüh, Austri

Kjo shtëpi komode dhe e rehatshme në alpet austriake është vendi i duhur për t'u çlodhur dhe relaksuar. E vendosur në landin austriak të Tirolit, marrja me qira e këtij ambienti të nivelit të lartë përfshin edhe një kuzhinier privat të specializuar në kuzhinën lokale. Për të hapur oreksin, mund të shijoni paraprakisht numrin e madh të shtigjeve të skive në rajon.

Hotel Kranzbach, Klais, Gjermani

Hoteli në kështjellën Kranzbach, Gjermani

Violinistja angleze Mary Portman e ndërtoi këtë shtëpi të gjerë fshati rrëzë malit më të lartë të Gjermanisë, Zugspitze, në vitin 1915. Sot, ajo është shndërruar në një hotel luksoz, që bashkon hijeshinë tradicionale me ambientet e dizajnuara të brendshme. Mysafirët që qendrojnë këtu mund të çlodhen në këtë mjedis piktoresk dhe të shijojnë spa-të premium të hotelit.

Solring Hof, Sylt, Gjermani

Hoteli luksoz Sölring Hof në ishullin Sylt, në Detin e Veriut, Gjermani

Solring Hof, në ishullin Sylt të Gjermanisë, ndodhet pak metra larg nga Deti i Veriut. Por është i strehuar midis dunave dhe për këtë arsye disi e mbrojtur nga erërat e dimrit. Ndërtesa me pesë yje ofron një restorant të shkëlqyer me dy yje - duke e bërë atë veçanërisht të popullarizuar midis të pasurve dhe të famshmëve, të cilët shpesh frekuentojnë ishullin./DW

S.C/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se do zbulohet pronari i 400 mijë € të vjedhura nga pastruesja?



×

Lajmi i fundit

VIDEO/ Vllaznia fiton 'derbin e veriut' dhe ndjek Tiranën, Teuta shumë e fortë për Bylisin! Paqe mes Kastriotit dhe Erzenit

VIDEO/ Vllaznia fiton 'derbin e veriut' dhe ndjek Tiranën, Teuta shumë e fortë për Bylisin! Paqe mes Kastriotit dhe Erzenit