Thaçi: Me marrëveshjen për
doganat Serbia njohu Kosovën

Kryeministri i Kosovës Hashim Thaçi u ka thënë deputetëve të Kuvendit të Kosovës se me marrëveshjen për doganat të arritur në Bruksel do të ndalen parregullsitë dhe kontrabanda në veriun e vendit.

“Me këtë marrëveshje, në fushën tregtare është bërë normalizimi i i marrëdhënieve në mes të dy shteteve, ndërkohë në fushën politike, Serbia njohu shtetin e Kosovës në fushën e doganave”, tha Thaçi.

Ndërkohë, Vjosa Osmani nga LDK ka thënë se paraqitja e kryeministrit në Kuvend nuk është raportim, por informim, dhe kjo sipas saj është e pa pranueshme.

Osmani tha se, implementimi i marrëveshjeve me Serbinë, pa një ratifikim nga Kuvendi, është antikushtetues.

Qeveria e Kosovës do t’i mbuloj shpenzimet për avokatët të cilët janë të angazhuar në mbrojtje të të akuzuarve për krime lufte, ka thënë zëvendëskryeministri dhe ministri i Drejtësisë, Hajredin Kuçi .

Kuçi ka thënë se edhe avokatëve të huaj duhet t’u mundësohet veprimtaria në Kosovë.

(ad.ti/shqiptarja.com)