Ai ka shtuar se Kosova dhe Serbia duhet t`i normalizojnë marrëdhëniet së shpejti, për ta filluar integrimin në Evropë, që do të nënkuptojë përfundimin e epokës së konflikteve në rajon. Thaçi ka theksuar se serbët në pjesën veriore të Kosovës duhet të integrohen në shoqërinë kosovare, por kjo është bërë detyrë më e vështirë, pasi ata për 12 vjet janë mashtruar nga Beogradi se do të ketë ndarje. `Kjo nuk do të ndodhë kurrë` - ka thënë ai.
Pas Nju-Jorkut, me ftesë të kryeministrit të Suedisë, Fredrik Reinfeldt, kryeministri iThaçi, ka udhëtuar direkt për një vizitë zyrtare në Suedi.
Gjatë kësaj vizite, kryeministri Thaçi do të pritet nga kryeministri i Suedisë, kryetari i Parlamentit, ministrja e Tregtisë dhe ministri i Punëve të Jashtme.
![](https://www.shqiptarja.com/template/img/sh_logo1.png)