Thaçi nënvizoi se në seancën e Kuvendit janë hedhur shishe qelqi të cilat mund të rezultonin me pasoja fatale.
“Kjo shishe nuk është lënduese, është vdekjeprurëse. Në një formë kjo është armë e ftohtë. Le ta vlerësojnë vetë qytetarët deri në çfarë niveli kanë shkuar ata njerëz që kanë hedhur me shishe qelqi”, ka thënë Thaçi në intervistën dhënë Klan Kosovën.
Gjithashtu ministri i Punëve të Jashtme tha se deputetët para se të hyjnë në Parlament duhet të bëjnë testin e alkoolit. Sipas Thaçit më i rrezikshëm është një i dehur në Kuvend sesa një shofer.
“Duhet të dihet në çfarë gjendje futen deputetët brenda në Kuvendin e Kosovës. Më i rrezikshëm është një deputet i dehur se një shofer i dehur sepse një deputet i dehur merr në qafë një popull me veprimet e veta”, përfundoi Thaçi.
Redaksia online
(o.m/shqiptarja.com)