POP 5

Lajmet më të lexuara të 5 minutave të fundit

Kosova & Rajoni

Thaçi: Seancat inauguruese në
veri, sipas ligjeve të Kosovës

Strukturat e reja udhëheqëse në 4 komuna me shumicë serbe në veriun e Mitrovicës, kanë afat deri të premten të bëjnë betimin dhe të mbajnë seancat inauguruese nëse duan që të jenë kryetar legjitim të këtyre komunave të veriut të Kosovës.
MITROVICE- Strukturat e reja udhëheqëse në katër komuna me shumicë serbe në veriun e Mitrovicës, kanë afat deri të premten të bëjnë betimin dhe të mbajnë seancat inauguruese nëse duan që të jenë kryetar legjitim të këtyre komunave të veriut të Kosovës, në të kundërtën zgjedhjet në këto katër komuna mund të shpallën të pa vlefshme.

Pavarësisht se kryetarët serbë po insistojnë se gjatë seancave inauguruese të përdorin dokumente neutrale, për këtë gjë qeveria e Kosovës është e prerë për të mos lejuar një gjë të tillë.

Kryeministri i Kosovës, Hashim Thaçi, tha për RTK-në se seancat inauguruese në katër komunat e veriut do të zhvillohen në kuadër të ligjeve dhe Kushtetutës së Republikës së Kosovës.

Ndërsa, Këshilltari i Kuvendit Komunal në veri të Mitrovicës nga Partia Demokratike e Kosovës, Emir Azemi, në një intervistë për RTK-në tha se të hënën është ftuar nga Adrian Hoxhiç, ku kjo e fundit është lutur nga vet mandatari për kryetar të komunë së veriut Kërstimir Pantiç, t'u shpërndajë ftesat të gjithë këshilltarët jo serbë për të marrë pjesë në seancën inauguruese që pritet të mbahet të premten.

Afati fundit për konstituimin e katër komunave me shumicë serbe në veriun e Mitrovicës, skadon me 10 janar. Konstituimi i këtyre komunave sipas ligjeve të Kosovës ishte dashur të ndodhte me 24 dhjetor, por mandatet për kryetarë të komunave nuk u ishin përmbajtur ligjeve te Kosovës, duke vendosur logo të shtetit serb në dokumente zyrtare.

Marrë nga "RTK"

Redaksia Online
(e.s/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55