POP 5

Lajmet më të lexuara të 5 minutave të fundit

Kosova & Rajoni

Thaci dhe Rama reagojne
kunder Nikolic per serbet

Reagime te ashpra kane ardhur nga Kosova dhe Tirana, pas deklarates se presidentit serb Nikolic se serbet ne Kosove jetojne nen kercenimin e genocidit. Thaci ka deklaruar se “e kaluara e lidershipit të Serbisë nuk premton shumë”, ndersa per kreun e PS, Edi Rama, kjo deklarate eshte vece nje idiotesi.
Thaci dhe Rama reagojne <br />kunder Nikolic per serbet
KOSOVE- Deklarata e Presidentit serb Tomislav Nikolic se serbët në Kosovë janë duke jetuar nën kërcënimin e gjenocidit dhe se nuk e përjashton ndarjen në mes të rajoneve të banuara me serbë dhe atyre me shqiptarë ka ngjallur reagimin e menjëhershëm të Prishtinës zyrtare.

Kryeministri i Kosovës, Hashim Thaçi, ka thënë per The Guardian se “e kaluara e lidershipit të Serbisë nuk premton shumë”. “Megjithatë kjo ka ardhur si rezultat i proceseve demokratike që kanë ndodhur në Serbi dhe vullneti i popullit të atjeshëm duhet të respektohet. Nuk e kam ndërmend të gjykoj lidershipin aktual të Serbisë, duke u bazuar në veprat e tyre në të kaluarën, do t’i gjykojë në bazë të veprave që do të bëjnë tash dhe në veçanti në lidhje me raportet me Kosovën”, ka thënë Thaçi.

Ai ka hedhur poshtë pretendimet e Nikoliqit se serbët e Mitrovicës do të rrezikoheshin nga qeverisja e Prishtinës. “Askush nuk duhet ta harrojë faktin se dy të tretat e serbëve jetojnë në pjesën jugore të Kosovës dhe janë plotësisht të integruar në vetëqeverisje në nivelin lokal dhe marrin pjesë në të gjitha institucionet në nivelin qendror”, ka thënë ai.

Ndërkaq kreu i PS, Edi Rama përmes një reagimi në tuitter deklaroi se “ Marrëzia serbe është kthyer në majën e pushtetit në Beograd përmes Nikolicit: Duke iu referuar deklaratës së Nikolic se "Serbët i kërcënon një genocid në Kosovë!", Rama kundërpërgjigjet: Cfarë idiotësie!
Nikolic në deklaratën e tij I bëri thirrje homologes kosovare, Atifete Jahjaga, që ta pranojë se nuk mund të qeverisë në Mitrovicën veriore, duke nënkuptuar kështu ndarjen e Kosovës.
(jd/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Qarkullimi tek Zogu i Zi thuajse i hapur, protestuesit vendosen në një kënd

Qarkullimi tek Zogu i Zi thuajse i hapur, protestuesit vendosen në një kënd

26 Nëntor, 19:26