Presidenti i Kosovës, Hashim Thaçi ka dekretuar për kryeministër të ri të Kososvës Avdullah Hotin, ndërsa tha se qeveria e re do të zgjidhet brenda pak ditësh në Kuvend. Thaçi tha se pas takimit që pati me përfaqësuesit e partive politike në vend, të gjithë janë dokort për krijimin e një qeverie të re, përveç një partie politike.
"Në krejt këtë situatë të panatyrshme, legjitimiteti i qeverisë aktuale është sfiduar nga votimi i mocionit nga më shumë se dy të tretat e deputetëve. Në anën tjetër, është obligim i imi si President, të sigurohem për funksionim të institucioneve. Mocioni ka qenë plotësisht sipas Kushtetutës, në përputhshmëri me vullnetin e deputetëve dhe rendit demokratik në Kosovë. Pavarësisht rrethanave, këto janë të rregulluar qartë me kushtetutë, dhe nuk mund të konsiderohen sit ë jashtëzakonshmeJemi në një situatë kur qeveria është rrezuar me një mocion mosbesimi në bazë të Kushtetutës së Kosovës dhe përfaqësuesve legjitim me 2/3 e deputetëve. Këto veprime politike janë të rregulluara qartë me Kushtetutë. Pas takimit me të gjithë përfaqësuesit e partive në Kuvend vlerësojnë se Kosova duhet të kenë një qeveri të re me përjashtim të një partie politike. Avdullah Hoti e kam nominuar si kryeministër të ri për Kosovën. Në ditët në vijim një qeveri e re mund të emërohet në Kuvend në përputhje me Kushtetutën", tha Thaçi.
Thaçi tha se të gjitha partitë politike kërkojnë një qeveri të re, ndërsa Isa Mustafa e LDK-së ka përkrahjen e shumicës parlamentare për ta formuar Qeverinë e re. Presidenti Thaci ka çuar mesazh te kryeministri në detyrë, Albin Kurti, duke thënë se askush s’mund ta mbajë pushtetin me mënyra jodemokratike.
“Duhet të pajtohemi se pushteti në Kosovë fitohet dhe humbet siç e sheh edhe Kushtetuta. Askush nuk duhet të pretendoj se me metoda jodemokratike mund ta marrë, ose ta mbajë apo ta uzurpojë pushtetin”, tha Thaçi.
Lidhja Demokratike e Kosovës ka nënshkruar sot marrëveshjen për bashkëqeverisje me Nismën Socialdemokrate
Pas takimit të krerëve të dy partive, kryetari i Nismës, Fatmir Limaj ka konfirmuar se partia e tij në qeverinë e re, do të ketë dy ministria dhe postin e zëvendëskryeministrit.
Marrëveshje për bashkëqeverisje, LDK ka nënshkruar një ditë më parë edhe me Aleancën për Ardhmërinë e Kosovës të Ramush Haradinaj, partisë se të cilit do t’i takojnë katër ministri dhe pozita e zëvendëskryeministrit të parë.
Albin Kurti, kryeministri në detyrë, në anën tjetër ka thënë se do ta sfidojë vendimin për formim të qeverisë së re nga LDK-ja në Gjykatën Kushtetuese.
Komente
Lajme të tjera
-
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
‘S’është koha për bashkim me Shqipërinë’, Kurti: Qëllimi i Serbisë është hakmarrja, duhet të jemi të përgatitur për këtë
22 Nëntor, 10:32 -
Kimete Berisha: E vetmuar, si dhelpra!
21 Nëntor, 21:31
-
‘Janë të pavërteta’, Policia e Kosovës mohon se e ka kaluar kufirin me Serbinë
21 Nëntor, 20:12 -
Shqipja në Maqedoninë e Veriut: Çfarë po e pengon zbatimin e Ligjit për gjuhët?
21 Nëntor, 16:54
-
Osmani kritika Kurtit: S’mund të luajmë bixhoz me partnerët, cenohet mbrojtja e Kosovës! Askush s’ia ka dalë vetëm
21 Nëntor, 11:35 -
Qeveria e Kosovës akuzon Serbinë për legjitimim të diskriminimit të shqiptarëve
20 Nëntor, 21:37 -
Policia e Kosovës aksion në veri të vendit, gjen armë dhe uniforma ushtarake
20 Nëntor, 21:09 -
Kosovë-Shqipëri përmbyllin edicionin e tretë të Javëve Kulturore Ndërkombëtare! Zbuloni aktivitetet që do të organizohen nga data 21 deri më 30 Nëntor
20 Nëntor, 19:06 -
Jakin Marena: Berisha ngre flamurin serb në Kuvend, Kurti zhbën shqipen, rastësi?!
20 Nëntor, 18:41
-
Thirrjet 'Serbi, Serbi', Armando Duka del kundër Kosovës: Gabuan që bojkotuan ndeshjen
20 Nëntor, 12:58 -
Kimete Berisha: Me Mickovskin kundër gjuhës shqipe
20 Nëntor, 11:20
duam buke, po vdesim urie, na plasi trapi per politikanet
PërgjigjuVetem emrin Avdylla mos ta kishte ...... duket Si kryeminstri I Turk ......... ....
Përgjigjunuk dua ta besoj se kta nuk jane ne gjendje te bejne shtet!
PërgjigjuDeri sa kem ”president ” pro serb kryeministër të Shqipëris që e përkrah këtë tradhëtar dhe bashkpunon me vuqiqin e serbis në dëm të Kosovës në kot e kemi o vlla!!!
Ky është duke luajtur me zjarr!!
Përgjigju