POP 5

Lajmet më të lexuara të 5 minutave të fundit

Bota

Theresa May i denoncoi me emër autorët e sulmit ndaj Skripal, Putin: Janë qytetarë, jo kriminelë

Putin i ftoi të dyshuarit, të cilët u denoncuan me emër dhe mbiemër nga kryeministrja britanike, Theresa May, që të shfaqen e të flasin për mediat, pasi siç tha, 'kanë shumë për të treguar nga historia e tyre si qytetarë të thjeshtë e jo kriminelë'.
Theresa May i denoncoi me emër autorët e sulmit ndaj Skripal, Putin: Janë qytetarë, jo kriminelë

Presidenti i Rusisë, Vladimir Putin

Presidenti rus, Vladimir Putin tha se Moska i ka identifikuar të dyshuarit e sulmit me agjent nervor "Novichok" në Salisbury të Britanisë së Madhe ndaj ish-agjentit të dyfishtë, Sergej Skripal. Duke folur në një forum ekonomik të mbajtur në Vladivostok, Putin i ftoi të dyshuarit, të cilët u denoncuan me emër dhe mbiemër nga kryeministrja britanike, Theresa May, që të shfaqen e të flasin për mediet, pasi siç tha, “kanë shumë për të treguar nga historia e tyre si qytetarë të thjeshtë dhe jo kriminelë”.

Alexander Petrov dhe Ruslan Boshirov autorët e sulmit me Novichok ndaj Skripal

Javën e kaluar, agjencitë ligjzbatuese britanike deklaruan se kishin identifikuar dy shtetasit rusë që fshiheshin pas helmimit të ish-agjentit të dyfishtë rus, Sergei Skripal. Gjithashtu, kryeministrja Theresa May akuzoi shërbimin informativ ushtarak rus se kishte organizuar helmimin në fjalë, pas urdhrit të autoriteteve qendrore. Autoritetet ruse u kundërpërgjigjën me faktin se, fotot dhe emrat e të dyshuarve, Alexander Petrov dhe Ruslan Boshirov, të cilat u publikuan më herët nga Londra, nuk provojnë aspak përfshirjen e Moskës në këtë sulm. 

Dy agjentët rusë në një stacion treni në Londër

Përpjekja për helmimin e ish-agjentit Skripal dhe vajzës së tij Yulia në qytetin britanik të Salisburyt, më 4 mars, shkaktoi tensione mes Rusisë dhe Britanisë së Madhe, teksa Londra dhe aleatët e saj akuzojnë Moskën si orkestruese të sulmit, por Kremlini refuzon. 

Së fundi, autoritetet britanike pretenduan se dy shtetas rusë, të dyshuar për sulmin, ishin të lidhur me shërbimin informativ ushtarak “GRU” të Rusisë. Incidenti i marsit solli për pasojë vendosjen e sanksioneve të reja nga ana e Shteteve të Bashkuara kundrejt Rusisë më 27 gusht, ndërsa shumë vende të Bashkimit Europian kanë dëbuar diplomatët rusë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kickbox/ Skandal në Malin e Zi, arbitri godet me trofe në fytyrë trajnerin kosovar (Video)

Kickbox/ Skandal në Malin e Zi, arbitri godet me trofe në fytyrë trajnerin kosovar (Video)

24 Nëntor, 11:43