Thirrja e mjekut Pëllumb Pipero: Reduktoni ceremonitë fetare! Rreziku i infektimit nga COVID më i madh në ambiente të mbyllura

 

Në një kohë që Kryepeshkopit Anastas Janullatos dhe Arqipeshkvit George Frendo janë infektuar nga koronavirusi, mjeku Pëllumb Pipero u bën thirrje drejtuesve të institucioneve fetare që të reduktojnë sa më shumë ceremonitë fetare.

I ftuar në Repolitix ai tha se ato duhet të pezullojnë aktivitetin e tyre për disa kohë për shkak se rreziku i infektimit është më i madh në ambiente të brendshme.

"Unë do i bëja thirrje komuniteteve fetare që të reduktojnë sa më shumë ceremoni apo grumbullime fetare. Në këto institucione fetare është e vështirë që të ruhet distanca në ambiente të mbyllura. Do të ishte shumë e rëndësishme që për një kohë ato të pezullohen. Ky virus nuk bën përjashtim dhe asnjë nuk është i mbrojtur. Po shohim raste që e kanë kaluar dy herë. Ne këmbëngulim që të respektohen të gjitha masat parandaluese, pavarësisht besimeve fetare" - tha Pipero.

Lajmi kryesor:

COVID në Shqipëri, Gjata në Repolitix: Tre muajt e ardhshëm, sfidë për sistemin shëndetësor! Thirrja e Piperos: Reduktoni ceremonitë fetare

E.M./r.k./Shqiptarja.com

TAG:
• repolitix
• Arben Gjata
• koronavirusi ne shqiperi
• Vaksina Covid