Receta

Thjerrëza me llukanik nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 7 Tetor 2022, 10:22 | Përditesimi: 7 Tetor 2022, 10:23

Thjerrëza me llukanik

Përbërësit:

500 gr thjerrëza
3-4 lgj vaj ulliri
1 qepë
1 presh
2 thelpinj hudhër
1 karrotë
4 lgj pure domate
1 gjethe dafine
Llukanik sipas dëshirës
Kripë, piper

Përgatitja:

LEXO EDHE:
Diples me arra dhe sherbet, ëmbëlsirë super e shpejtë nga zonja Albana

Presim llukanikun në feta jo të holla. Pasi është ngrohur tenxherja, shtojmë vajin dhe pas 2 minutave shtojmë llukanikun të cilin e kaurdisim për 2-3 minuta. Shtojmë më pas qepën e grirë imët së bashku me karrotat dhe vazhdojmë kaurdisjen. Pasi të bie pak volumi shtojmë thjerrëzat dhe salcën e domatës. Shtojmë ujë të ngrohtë në masë të përbërësve dhe i lëmë thjerrëzat të ziejnë për rreth 40 minuta. Në fund shtojmë thelpinjtë e hudhrës dhe specin djegës. Rregullojmë shijen me kripë dhe piper dhe e lemë gatimin të ajkoset për rrth 10 minuta në zjarr të ulur.

Një qepë të kuqe të prerë në gjysmë hëne hollë e kaurdisim mirë në një tigan, pasi të marrë ngjyrë e shuajmë me pak uthull, kripë, piper dhe e shtojmë në momentin kur servirim thjerrëzat me llukanik.

MC/Shqiptarja.com

TAG: