Thomas Brdaric paralajmëron revolucion: Objektivi ishte 'Final 4', Vllazninë e ndërtojmë për titull

Thomas Brdaric paralajmëron revolucion: Objektivi ishte 'Final 4', Vllazninë e ndërtojmë për titull

Thomas Brdaric

1716580035_1714733945thomasbrdaric.jpg
Thomas Brdaric, trajneri i Vllaznisë ka paralajmëruar revolucion në ekip pas humbjes 3-2 me Skënderbeun dhe vendit të katërt në Superligë.

"Fillimisht dua të falënderoj të gjithë Superioren, sepse më pëlqen të jem në Shqipëri dhe punoj këtu si trajner dhe kam një përgjegjësi të madhe në këtë klub. Meqë jam këtu, objektiv ishte të shkonim në katërshe dhe e arritëm. Çfarë ndodhi më pas, është vendosur nga detaje, në detaje nuk funksionuam.

Por kjo është ajo ku duhet të punojmë në të ardhmen, që të bëjmë diferencën. Unë e di që në Shqipëri e rëndësishme është të fitosh kampionatin, por duhet të punojmë edhe në gjëra të tjera, në gjërat bazike, kushtet. Hap pas hapi jam i sigurt që me presidentin dhe drejtorin, stafin e ekipin, do të ndërtojmë një skuadër të re e të fortë, Vllazninë që ka për objektiv titullin kampion.

Do të kemi ndryshime. Disa lojtarë e dinë, disa të tjerë do të marrin këtë informacion në ditët në vijim. Por jam i sigurt që kohën që kemi në 2-3 javët e ardhshme, do të gjejmë ekipin e duhur për Ligën e Konferencës, të përdorim në avantazhin tonë merkaton. Por duhet të punojmë me përpikmëri për të gjetur lojtarët e duhur për të kapur objektivin tonë.

Kush del kampion? E thashë herën e fundit që po shoh ekipin tim dhe u uroj të dyve që të shpallen kampionë”, tha Brdariç për “MCN’ pas ndeshjes.  


Lajmi kryesor:

Final 4/ Vllaznia 'në tapet', Skënderbeu e mposht 3-2 dhe merr podiumin në Superligë


S.DH/Shqiptarja.com
  • Sondazhi i ditës:

    Shqipëria humb me Italinë, a ka shanse të kalojë grupin në Euro 2024?



×

Lajmi i fundit

Nedim Bajrami shënoi golin më të shpejtë në Europian dhe e uli 'nga froni', Kirichenkos: S’e mendoja që rekordi im do thyhej nga Shqipëria

Nedim Bajrami shënoi golin më të shpejtë në Europian dhe e uli 'nga froni', Kirichenkos: S’e mendoja që rekordi im do thyhej nga Shqipëria