Thyejnë rregullat e karantinës pasi donin të vinin në Shqipëri, policia greke gjobit 12 shqiptarë

12 shqiptarë, emigrant në Greqi, janë gjobitur me 300 euro nga policia greke pasi thyen rregullat e karantinës duke lëvizur pa leje. Sipas mediave greke emigrantët u kapën duke udhëtuar pa pasur lejen e nevojshme për në Igumenicë dhe prej andej do të vinin për në Shqipëri.

Ndalimi i tyre u bë në zonën KTEL Kifissos gjatë kontrollit të policisë, e cila i zbriti të gjithë emigrantët dhe urdhëroi largimin e autobusit  për në Igumenicë pa asnjë pasagjer.

Gazeta greke iefimerida.gr shkruan emigrantët shqiptarë u thanë autoriteteve të policisë se ishin punëtorë në Mykonos dhe se donin të shkonin  në vendin e tyre.

Megjithatë sipas mediave ato nuk zotëron lejen e nevojshme për të qarkulluar në kushtet kur vendi është në karantinë dhe për këtë u është vendosur gjobë.

Në lidhje me emigrantët edhe kryeministri Rama është shprehur se fillimisht ata duhet të koordinohen me ambasadën shqiptare përpara se të nisen drejt Shqipërisë, pasi në të kundërt nuk do të lejohen të hyjnë. Gjithashtu kushdo që hyn në Shqipëri duhet të qëndrojë i karantinuar në një hotel për 14 ditë dhe shpenzimet do i paguajë vetë.

TAG:
• riatdhesim
• greqi
• emigrantet
• Koronavirus
• koronavirusi ne shqiperi