“Prej disa vitesh unë kam përjetuar dhunën në familje. Ju them që të gjithëve denonconi dhunën në familje”, tha një vajzë e dhunuar.
“Edhe unë e kam përjetuar dhunën. Ju lutem të gjitha grave, vajzave e nënave mos e lejoni dhunën në familje ju lutem”, u shpreh një tjetër.
Ky ishte mesazhi për të gjithë gratë dhe vajzat që kanë rënë pre e dhunës në familje, fenomen i cili vijon të jetë i përhapur dhe të përbëjë një problem serioz në shoqërinë shqiptare edhe në ditët e sotme.
“Të gjitha së bashku ne bëjmë më të mirën. Duke marrë eksperiencat tona të gjitha bashkë ne bëhemi ndalesa shumë të mira që dhuna të mos avancojë, por ta evidentojmë dhunën përpara se të ndodhe”, u shpreh një pjesëmarrëse e shoqatës.
“Të gjitha këto projekte që ne kemi bërë dhe i kemi në vazhdim nuk bëhen vetëm. Duhet pjesëmarrja e të gjithë aktorëve siç jemi dhe sot”, u shpreh presidentja e bordit të shoqatës, Rubena Mojsiu.
Për t’ju ardhur në ndihmë dhe për ta parandaluar dhunën përpara se ajo të ndodhë, më shumë se një mijë gra dhe vajza të rëna pre e këtij fenomeni, morën mbështetje nga shoqata “Refleksion”. Fushata “Ti nuk je vetëm” u shtri në 12 bashki gjatë gjithë periudhës së pandemisë COVID-19.
“Më shumë se 1 mijë gra nga komunitetet rurale dhe urbane në 12 bashkitë ku ne zbatuam projektin morën pjesë në aktivitetet ndërgjegjësuese dhe u njohën me ligjet kundër dhunës ndaj grave. Ato morën mbështetje të kualifikuar nga psikologe dhe eksperte të përzgjedhura, të cilat ju treguan se sit ë dalin nga ankthi, stresi dhe të riparojnë dëmtimet e mundshme të shëndetit mendor. Fushata “Ti nuk je vetëm”, pa hiporbelizuar është një histori suksesi në pandemi, por kjo nuk e zbut faktin se dhuna ndaj grave vazhdon të mbetet e padukshme apo ndoshta e neglizhua”, tregoi Drejtoresha ekzekutive e shoqatës “Refleksion”, Ani Ruçi.
Sipas drejtoreshës së përgjithshme të Politikave Sociale dhe Barazisë Gjinore, Merita Xhafaj, vetëm gjatë vitit 2020 janë evidentuar 4701 raste të dhunës në familje, prej të cilave 2816 kanë marrë urdhër mbrojtje. Pjesë e të prekurve nga ky fenomen janë edhe 237 të mitur. Ndërsa 6 raste kanë përfunduar me fatalitet.
Lajme të tjera
-
Dita kundër dhunës ndaj grave dhe vajzave/ Ministrja Koçiu: Kemi marrë nisma ndërgjegjësuese! Sot nisim fushatën 16 ditore me OKB-në
25 Nëntor, 09:39 -
Dhuna ndaj grave, KiE: Shqipëria përparim, por ka ende çështje që duhen trajtuar me urgjencë
19 Shtator, 07:23 -
Durrës/ Dhunuan gratë e tyre dhe kundërshtuan punonjësit e policisë, arrestohen tre burra
18 Shkurt, 11:29 -
E vlerësoi Blinken, Dea Rozhani për Report Tv: Si lindi ideja për aplikacionin kundër dhunës ndaj grave
16 Shkurt, 19:45 -
Gjykata Europiane: Dhuna në familje është arsye për azil! Gratë e ekspozuara ndaj dhunës përfitojnë mbrojtje shtesë
17 Janar, 14:58 -
PD: Dhuna në familje alarmante, qeveria të mbështesë gratë
9 Janar, 11:48 -
Balla: Feminicidi, kambanë e madhe alarmi! 47% e grave kanë përjetuar dhunë në familje! Rritje e bashkëveprimit të çdo institucioni
13 Dhjetor 2023, 18:21 -
Ermal Meta publikon këngën e re: Kundër dhunës, le ti edukojmë fëmijët edhe me këngë
5 Dhjetor 2023, 19:59 -
Dhuna ndaj grave, Shtraza: Duhen më shumë fonde për shoqatat! Tusha: Janë rritur rastet e raportimit të dhunës
27 Nëntor 2023, 15:05 -
Dhuna ndaj grave e vajzave në Shqipëri, vijon denoncimi dhe përpjekja për t’i mbrojtur
26 Mars 2023, 08:18 -
Si është rritur ndëshkimi i dhunës ndaj grave nga viti 2012, hapësira në Kodin Penal që shfrytëzohet nga gjyqtarët abuzues për të lehtësuar killerat
7 Mars 2023, 12:26
-
Studim: Dhuna psikologjike dhe fizike te gratë shtatzëna ndikon në zhvillimin e trurit të foshnjes në të ardhmen
22 Shkurt 2023, 15:23
