Tifozët e Hannoverit,
kartolinë lamtumire për Lalën

Klubi gjerman i Hannoverit dëshiron t’i bëjë një lamtumirë dinjitoze, një prej ikonave të tij, shqiptarit Altin Lala, pas 14 vjet shërbimesh me të kuqtë dhe me nëj lojë impresionuese me këtë fanelë të klubit gjerman verior.

Tifozët po i shkruajnë kartolina të dedikuara për “xhuxhin luftarak”, që sezonin e ardhshëm do të luajë për ekipin e dytë të Bayernit të Munich.

“Kartolinat e lamtumirës” kanë dalë në treg, dhe tifozët duhet të shkruajnë një mesazh për Lalën, apo “Mister 100%”, siç thirret ai te Hannoveri. Lala ka zhvilluar 317 ndeshje me Hannoverin dhe këtë vit, 36 vjeç, ai ishte lojtari më i vjetër në moshë në Bundesligën gjermane.(rb/shqiptarja.com)