Ata shprehen se ajo që ndodhi në ndeshjen Shqipëri – Izrael, nuk kishte të bënte asgjë me lojën e bukur të futbollit.
Sipas tyre përshkrimi apo prezantimi i çfarëdo fakti, nuk mund ta përshkruajë terrorin që tifozët shqiptar përjetuan nga policia e shtetit ne ndeshjen me Izraelin ne Elbasan.
“Tifozat Kuq e Zi, janë të detyruar të marrin vendim për BOJKOTIMIN e të gjitha ndeshjeve të radhës brenda, përfshirë këtu edhe ndeshjen me Lihtenshtajnin.
Kombëtaren do ta përcjellim vetëm në transferta, atje ku na respektojnë” deklarojnë tifozët.
Në fund grupimi e mbyll deklaratën duke ironizuar policinë për masat në ndeshjen e fundit “ftojmë policinë e shtetit shqiptar, që të pajisur me kallashnikov dhe me armë tjera, të bëjë tifozin në tribunë”.
Stadiumi ishte thuajse bosh në ndeshjen me Izraelin, ndërsa tifozët u kontrolluan në mënyrë të imtësishme, ndërsa një pjesë nga Kosova dhe Maqedonia nuk u lejuan të ishin të pranishëm për arsye sigurie, për shkak të informacioneve për sulme terroriste.
Deklarata e plotë e grupit ‘Tifozat Kuqezi’
Të nderuar tifozë,
Ajo që ndodhi në ndeshjen Shqipëri – Izrael, nuk kishte të bënte asgjë me lojën e bukur të futbollit. Atë ditë, tifozët shqiptarë prezent në stadium (dhe jo vetëm) ishin viktimë e terrorit shtetëror. Andaj, përshkrimi apo prezantimi i çfarëdo fakti, nuk mund ta përshkruan terrorin që tifozët shqiptar përjetuan nga policia e shtetit shqiptar. Ne jemi tifozë, që e dojmë këtë Kombëtare dhe këtë Shqipëri.
Për arsyen e lartcekur, Tifozat Kuq e Zi, janë të detyruar të marrin vendim për BOJKOTIMIN e të gjitha ndeshjeve të radhës brenda, përfshirë këtu edhe ndeshjen me Lihtenshtajnin. Kombëtarën do ta përcjellim vetëm në transferta, atje ku na respektojnë.
Me këtë rast, ftojmë policinë e shtetit shqiptar, që të pajisur me kallashnikov dhe me armë tjera, të bëjë tifozin në tribunë.
Për veprimet dhe format e organizimeve tona të radhës, do të ju njoftojmë me kohë.
Me sinqeritet,
Tifozat Kuq e Zi
dy.b/shqiptarja.com