Superliga shqiptare e futbollit nisi javën e 25-të dhe zhvilloi tre ndeshje. Kjo e dielë sportive nuk ishte e zakonshme në Kukës, pasi tifozët u futën në fushë, ndërprenë ndeshjen dhe goditën një polic, para se të merrej vendimi për zbrazjen e stadiumit.
Ishte minuta e 65-të kur Agim Zeka shënoi golin e dytë për Erzenin, gol që i dha epërsinë shijakasve 1-2 përballë vendasve të Kukësit. Me sfidën që vlente për zonën e ftohtë dhe pikët aq shumë të domosdoshme, tifozët u bënë protagonistë dhe u futën në fushë.
Ndërhyrja e sigurisë dhe policisë shmangu më të keqen, teksa dueli më pas vijoi me stadiumin e boshatisur pas një ndërprerje për afro 20 minuta. Në fund ishte Erzeni që fitoi 1-2 me gola të Kahrimanovic dhe Zekës në pjesën e dytë, duke përmbysur golin e Salamit në të 30 minutë.
Skënderbeu fitoi 1-0 me Partizanin. Në stadiumin e Korçës vendosi goli i Dean Liços në minutën e 38-të. Një ish si Liço ndëshkoi "Demat e Kuq", me tifozët që ishin të shumtë në stadium. Sfida nuk prodhoi më gola, por skenat në fund të ndeshjes sollën përplasje në fushë. Të dyja kampet u "përleshën" mes tyre dhe tifozët tentuan të kapërcenin gardhin rrethues, por pa ia dalë.
Janaqi për vendasit dhe Rrapaj për miqtë u ndëshkuan me kartona të kuq në të 89 minutë, me skuadrat që e mbyllën ndeshjen me nga një lojtar më pak. Veç sherrit në fushë, edhe në tribuna nuk janë ndalur koret ofenduese mes dy tifozerive, teksa në stadium kishte edhe prezencë nga ultrasit kryeqytetas.
Në Rrogozhinë, Egnatia dhe Teuta barazuan 0-0 në një ndeshje me raste dhe polemika. Vendasit e Edlir Tetovës që kryesojnë edhe Superligën, ia dolën të shënonin në minutat e fundit, por goli u anulua pas ndërhyrjes së VAR për një pozicion jashtë loje. Kështu, Egnatia ka katër ndeshje pa marrë pikët e plota dhe ndodhet në kuotën e 49 pikëve.
Superliga, java 25-të:
E dielë
13:30 Egnatia 0-0 Teuta
13:30 Kukësi 1-2 Erzeni
17:00 Skënderbeu 1-0 Partizani
E hënë 17:00
Dinamo - Vllaznia
Tirana - Laçi (Elbasan Arena)
Renditja:
Skënderbeu fitoi 1-0 me Partizanin në ndeshjen e javës së 25-të në Superligë. Në stadiumin e Korçës vendosi goli i Dean Liços në minutën e 38-të. Një ish si Liço ndëshkoi "Demat e Kuq", me tifozët që ishin të shumtë në stadium.
Sfida nuk prodhoi më gola, por skenat në fund të ndeshjes sollën përplasje në fushë. Të dyja kampet u "përleshën" mes tyre dhe tifozët tentuan të kapërcenin gardhin rrethues, por pa ia dalë.
Janaqi për vendasit dhe Rrapaj për miqtë u ndëshkuan me kartona të kuq në të 89 minutë, me skuadrat që e mbyllën ndeshjen me nga një lojtar më pak. Veç sherrit në fushë, edhe në tribuna nuk janë ndalur koret ofenduese mes dy tifozerive, teksa në stadium kishte edhe prezencë nga ultrasit kryeqytetas.
Me vetëm një fitore në pesë javët e fundit, Partizani nuk përfitoi nga ngecja e Egnatias dhe sërish me 40 pikë mban vendin e dytë. Nga ana tjetër, Skënderbeu ka tre fitore në pesë javët e fundit dhe me 34 pikë barazon Skënderbeun në vendin e pestë.
Komente
Lajme të tjera
-
Ylli Pata: Pse opozita nuk ka fituar pikë nga hetimet e SPAK?
26 Dhjetor, 19:48
-
Zyrtare/ Arinaldo Rrapaj prezantohet në Ukrainë, Partizani arkëton 900 mijë euro nga shitjet
26 Dhjetor, 13:23 -
Sot Kukësi sfidon Egnatian në finalen e Superkupës, rrogozhinasit kërkojnë 'tripletën'! FSHF asnjë shpërblim për fituesin, Tetova: Duam trofeun
26 Dhjetor, 08:42 -
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'
25 Dhjetor, 18:54 -
Ben Andoni: PD-ja përballë protestave, por pa publikun?!
25 Dhjetor, 18:53
-
Kampione e dimrit, kapiteni Dita rrëfen Dinamon për Report TV: S’fshihemi për titullin, ‘Final-4’ i çuditshëm
25 Dhjetor, 13:41
-
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Afera Partizani/ Ankimoi masën arrest në shtëpi, Kushtetuesja shtyn për vitin e ardhshëm shqyrtimin e kërkesës së Berishës
24 Dhjetor, 16:31 -
Zyrtare/ Bruno Telushi pa ekip, AF Elbasani konfirmon largimin
24 Dhjetor, 11:48 -
Protesta e PD/ Berisha me një grusht militantësh bllokojnë 3 orë Tiranën: Qeveri teknike! Përplasen me policinë! Noka grusht efektivit
23 Dhjetor, 17:11
