POP 5

Lajmet më të lexuara të 5 minutave të fundit

Sport

Tifozët ende larg stadiumeve, Ministria e Shëndetësisë refuzon kërkesën e FSHF

Kombëtarja edhe në ndeshjet e muajit nëntor nuk do të ketë mbështetjen e tifozëve. Ministria e Shëndetësisë nuk ka pranuar kërkesën e FSHF për lejimin e tifozëve në kapacitetin 30% të stadiumit sipas rregullave të Uefa-s. Ministria vlerëson se aktivitetet sportive me spektatorë konsiderohen me rrezikshmëri të lartë për përhapjen e Covid.

Tifozët ende larg stadiumeve, Ministria e Shëndetësisë refuzon kërkesën e FSHF

TIRANË- Në vendin tonë është ende shumë herët që tifozët të kthehen në stadiume. Ministria e Shëndetësisë ka refuzuar kërkesën e FSHF-së për lejimin e tifozëve në ndeshjet e Kombëtares në muajin nëntor në masën 30% të kapacitetit të stadiumit sipas rregullave të UEFA-s.

Institucioni më i lartë i futbollit në Europë lejon praninë e tifozëve në masën 30% të kapacitetit të stadiumit dhe kjo ka qënë arsyeja që në ndeshjet e mesjavës në Champions League kemi parë deri edhe në 20 mijë tifozë. Për këtë arsye duke parë edhe rëndësinë e ndeshjeve të ekipit Kombëtar FSHF ka bërë një kërkesë në Ministrinë e Shëndetësisë për të lejuar tifozët por kërkësa nuk është miratuar. Në kthimin e përgjigjes Ministria e Shëndetësisë e thotë qartë arsyen se përse nuk e miraton këtë kërkesë:

“Zhvillimi i aktiviteteve sportive me pjesëmarrjen e spektatorëve konsiderohet me rrezikshmëri të lartë për përhapjen e infeksionit Covid-19 pasi shoqërohen me grumbullime njerëzish”.

UEFA lejon praninë e tifozëve në kapacitet të reduktuar por vendimin final e merr secili shtet. Dhe Ministria jonë e Shëndetësisë duke parë numrin e lartë të infektimeve nuk ka pranuar në mënyrë kategorike rikthimin e tifozëve në stadium. Në muajin nëntor Kombëtarja luan tre ndeshje në shtëpi. Miqësoren ndaj Kosovës në Elbasan dhe dy ndeshjet e Ligës së Kombeve me Kazakistanin dhe Bjellorusinë. Nëse kërkesa do të ishte pranuar të paktën në “Air Albania” futbollistët do të kishin mbështetjen e rreth 6 mijë tifozëve.

Pergjigja e ministrise se Shendetsise

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Ministri i Jashtëm i Jordanisë do të zhvillojë bisedime me liderin e ri të Sirisë

Ministri i Jashtëm i Jordanisë do të zhvillojë bisedime me liderin e ri të Sirisë

23 Dhjetor, 11:52