POP 5

Lajmet më të lexuara të 5 minutave të fundit

Kultura

Timo Flloko i emocionuar në sallën e restauruar të ‘Arteve’: Kam nxjerrë breza studentësh! Sot, më e bukur se kurrë

Artisti Timo Flloko mes emocionesh shprehu mirënjohjen për restaurimin e Teatrit të Universitetit të Arteve, ku siç rrëfen, ka nxjerrë breza të tërë studentësh me të cilët ka dhënë edhe shfaqje. Ndali gjithashtu tek  pika e fortë e sallës, akustika, që i ka ruajtur vlerën kësaj skene, edhe kur mbërriti në kushte të vështira

Është i emocionuar artisti Timo Flloko teksa ngjitet këtë të premte në skenën e teatrit të Universitetit të Arteve, tanimë të restauruar.

“Në këtë Akademi kam punuar gjatë, kam nxjerrë breza studentësh. Kam dhënë shumë shfaqje me ta. Koha ecën e vitet nuk kthehen pas... ne i mbajmë ato mbi shpinë! Po kjo skenë, sot duket më e bukur se kurrë”, u shpreh Timo Flloko, aktor, regjisor e poet.

I rrethuar nga kolegë e studentë, ai shprehu mirënjohjen ndaj Ministrisë së Kulturës, dhe realizuesve të saj për vlerat e trashëgimisë që ka ky objekt monument ku edukohen artistët e ardhshëm. Duke ndalur veçmas tek akustika e sallës, si një ndër pikat e forta, që i ka ruajtuar vlerat sallës së koncerteve të neglizhuar për vite.

“Kjo sallë është e mrekullueshme! Do kisha dëshirë të thërrisja dhe pëshpërisja që të shijoja akustikën thuajse të mbinatyrshme  të kësaj salle, që është edhe shpirti saj”, shton më tej Flloko.

Universiteti i Arteve u realizua 84 vjet më parë nga arkitekti Gherardio Bosio dhe kjo është ndërhyrja e parë restauruese që është bërë. Restaurimi i Teatrit kushtoi 3.7 milionë euro, 1.7 prej të cilave mbulohen nga TAP ndërsa pjesa tjetër nga Qeveria Shqiptare.

/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça