Drejtoresha e qendrës shëndetsore numër.2 në kryeqyetet, Anila Prifti denoncon emërimet e fundit që po bëhen ng autoriteti rajonal shëndetsor. Ajo shprehet se pa asnjë shkersë zyrtare, po ndryshon struktura e qendrës që ajo drejton dhe mjeku kirurg do të zëvendoset me një mjek të përgjithshëm.
“Kam 2 -3 ditë që marr presione në telefon për të nxituar emërimet, madje dhe një emërim që është jashtë strukture për shkrirjen e një vendi të kirurgjisë dhe emërim si mjek të përgjithshëm"- thotë drejtoresha Prifti. Por Liljana Ramasaco, drejtoresha e ASHR-së, i quan trillime këto akuza dhe se ndryshimet po bëhen pasi kërkesat për mjekë kirurgë në parësor janë shumë të pakta.
"Nga ana e bordit të qendrave shëndetësore është propozuar pranë Ministrisë së Shëndetësisë për zëvendësim të mjekut kirurg me një mjek tjetër që mund të ketë nevojë më emergjente qëndra shëndetësore. Nuk ka pasur asnjë lloj kërcënimi apo presioni, as nga ana ime, dhe e askujt tjetër"-thotë drejtoreshë e ASHR-së.
Shkrimi u publikua sot(14.09.2013) në gazetën Shqiptarja.com(print)
(v.gj/shqiptarja.com)