Me rastin e 104-vjetorit të Tiranës kryeqytet, bashkia ka organizuar disa aktivitete që do të zgjasin përgjatë gjithë ditës së shtunë në rrugën “Myslym Shyri”.
Kryetari i Bashkisë së Tiranës, Erion Veliaj ka ftuar qytetarët të bëhen pjesë e festës që do të zgjasë nga ora 10⁰⁰ deri në 22⁰⁰ më 10 shkurt.
Ai ka zbuluar se në aktivitet e organizuara ku do të ketë muzikë me Dj më të njohur të momentit, kërcim, sport, kulinari dhe shumë argëtim për fëmijët.
![](https://shqiptarja.com/template/img/NO_ALFA_Kuadrate shqiptarja.png)
“Tirana Gëzon! Këtë fundjavë kemi festën më të bukur në rrugën më popullore të qytetit, te "Myslym Shyri", me rastin e 104-vjetorit të Tiranës kryeqytet.
Muzikë nën tingujt e DJ më në zë të momentit, kërcim, zona e sportit, zona e gatimit, zona e argëtimit për fëmijë dhe shumë surpriza të tjera.
Bashkohu dhe ti nga ora 10⁰⁰ deri në 22⁰⁰”, shprehet Veliaj.
Për mbarëvajtjen e këtij aktiviteti Bashkia e Tiranës, në bashkëpunim me Policinë e Shtetit, ka hartuar një plan masash duke kufizuar pjesërisht lëvizjen e automjeteve në segmentin e rrugës “Myslym Shyri”.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)