POP 5

Lajmet më të lexuara të 5 minutave të fundit

Ekonomi

Tirana Bank dhe Kryqi i Kuq
5 vjet dhurim gjaku për të sëmurët

Kanë organizuar ditën e dhurimit vullnetar të gjakut, në shenjë solidariteti dhe mbështetjeje për fëmijët që vuajnë nga Talasemia dhe Leuçemia.
Tirana Bank dhe Kryqi i Kuq<br />5 vjet dhurim gjaku për të sëmurët
TIRANË - Për të pestin vit radhazi, Tirana Bank në bashkëpunim me Kryqin e Kuq Shqiptar kanë organizuar ditën e dhurimit vullnetar të gjakut, në shenjë solidariteti dhe mbështetjeje për fëmijët që vuajnë nga Talasemia dhe Leuçemia.

Edhe këtë vit kësaj nisme i janë bashkuar një numër i madh punonjësish të bankës, në Tiranë, por edhe në rrethe, shoqëruar nga familjarë të tyre dhe klientë e bashkëpunëtorë të saj.
 
I kthyer tashmë në një traditë, ky xhest human, tregon mbështetjen e vazhdueshme të Tirana Bank për rreth 500 fëmijët e prekur nga Talasemia dhe Leuçemia në vendin tonë.
 
Numri i dhuruesve të gjakut ka ardhur duke u rritur nga viti në vit, e këtë herë kemi arritur edhe numrin më të lartë të dhuruesve gjatë këtyre 5 viteve të organizimit të kësaj nisme vullnetare, i cili shënon 220 dhurues. Në total përgjatë këtyre viteve është shënuar një numër prej rreth 1 mijë dhuruesish që kanë mbështetur Tirana Bank dhe Kryqin e Kuq shqiptar.
 
Në emër të këtij solidarizimi, drejtori i përgjithshëm i Tirana Bank, Savvas Thalassinos ka përshëndetur edhe një herë të pranishmit, duke i falenderuar ata në mënyrë të veçantë.

“Kjo është pa dyshim e veçantë. Kjo është një ditë solidariteti dhe dhurimi. E gjitha kjo tregon realizimin e diferencës tonë si qenie humane nga pjesa tjetër e krijesave të botës. Po, unë besoj se ky është një nga ato momente të dashurisë së vërtetë, që janë bërë të rralla në ditët tona. Shumë faleminderit dhe urime për të gjithë ata që kishin një kontribut mbi këtë ngjarje të sotme.”
 
Në dhjetor të vitit 2012, Tirana Bank është nderuar edhe me Certifikaten e Mirënjohjes nga Partners Albania, me motivacionin e dhurimit vullnetar të gjakut nga punonjësit e saj në mbështetjen e vazhdueshme të bankës së gjakut dhe qendrës së transfuzionit të gjakut në Shqipëri.

Redaksia Online
(mag/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça