POP 5

Lajmet më të lexuara të 5 minutave të fundit

Sport

Tirana barazon me Skënderbeun, Mema: Kundër Partizanit marr fitoren e parë

Tirana dhe Skënderbeu janë ndalur në barazim 1-1 në ndeshjen e javës së 14 të Superligës. Një pikë e rëndësishme për bardheblutë para derbit me Partizanin, ndërsa për korçarët mund të konsiderohet një hap fals pasi dështojnë të marrin kreun e klasifikimit.

Skënderbeu nuk ka arritur të përfitojë nga humbja e Partizanit për të marrë kryesimin e Superligës pasi është ndalur në barazim 1-1 kundër Tiranës në “Selman Stërmasi”.

Goli i Bruno Ditës për miqtë u zhvlerësua nga Sentamu në fundin e pjesës së parë. Pas ndeshjes, trajneri i korçarëve Orges Shehi është shprehur: “Ne nuk luanim përballë një kundërshtari të dobët, por shumë cilësor. Atë vend në renditje nuk e meriton dhe këtë e vërtetojnë lojërat që ka zhvilluar, por edhe kontigjenti I lojtarëve që ka. Për këto arsye nuk mund ta konsideroj si një hap fals.” 

Ndërkohë homologu i tij te Tirana, Ardian Mema ka deklaruar se është e pabesueshme që një ekip profesionist në vazhdimësinë e tij të pësoj gola të tillë. "Kemi bërë analiza të shumta, por nuk e kuptoj,”-shprehet Mema.

Për ndeshjen e ardhshme që është derbi me Partizanin, Mema u shpreh se mund të vijë edhe fitorja e parë e Tiranës nën drejtimin e tij.

Unë kam kohë pa e shijuar derbin. Besoj se mund të rikthehem te fitorja në këtë ndeshje pasi në kohën që unë luaja kemi qenë gjithmonë fitues.

Ardian Mema, trajner i Tiranës

Tirana aktualisht renditet në vendin e 8-t me 11 pikë, ndërsa Skënderbeu pozicionohet i dyti me 30 pikë, 1 më pak se Partizani kryesues.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06