Tirana e Egbos nuk ndalet, fiton me përmbysje në Laç. Bylis ia del me vështirësi kundër Luftëtarit

Tirana e drejtuar nga Emanuele Egbo po vijon me rezultatet fantastikë pasi sot bardheblutë kanë marrë fitoren e tretë radhazi në kampionat në një tarsnfertë tepër të vështirë siç është ajo e Laçit.

Takimi u mbyll me rezultatin 1-2 në favor të bardhebluve, por ata që kaluan të parët në avantazh ishin kurbinasit të cilët realizuan me Ignjatovic. Heroi i Tiranës në këtë ndeshje do të rezultonte sulmuesi i ri Ernest Muçi, i cili falë dopietës së tij përmbysi rezultatin dhe në të njëjtën kohë vulosi fitoren.

Takimi tjetër i orës 13:00 mes Bylist dhe Luftëtarit ka përfunduar me shifrat 1-0, me golin e realizuar nga i përhershmi Guindo.

Kujtojmë se takimi Flamurtari-Teuta u ndërpre për shkak të rrjeshjeve të shiut në minutën e 9 dhe do të luhen të hënën në orën 12:00. Po sot ndërkohë do të luhen edhe dy ndeshjet e tjera të javës së 17 Partizani-Vllaznia dhe Kukësi-Skënderbeu.

Për t’u theksuar edhe fakti që Tirana pas fitores së sotme është ngjitur në vendin e tretë.

Ne.k./Shqiptarja.com

TAG:
• Tirane
• Laçi
• superliga