POP 5

Lajmet më të lexuara të 5 minutave të fundit

Sport

'Tirana ka lojtarë më cilësorë,' Lika flet para ndeshjes me Tiranën. Ngoo: Në Shkodër vetëm për fitore

Java e 3 e Superligës rikthen pas tre sezonesh ndeshjen klasike të Shqipërisë mes Vllaznisë dhe Tiranës. Në kampin shkodran shprehen se bardheblutë janë një skuadër me më shumë potencial, ndërsa te bardheblutë ka optimizëm për fitoren.

Të shtunën në ‘Loro Boriçi’, dy vite pas asaj ndeshjeje që nxiu historinë e bardhebluve të kryeqytetit, do të luhet sfida Vllaznia-Tirana, e cila cilësohet si klasikja e futbollit shqiptar shqiptar. Një 90 minutësh që pritet me interes dhe që me shumë mundësi do të mbushë shkallët e stadiumit. Trajneri i shkodranëve, Mirsad Jonuz, në prag të sfidës shprehet se e di rëndësinë e kësaj përballje specifike.

“Kam luajtur shumë derbi si futbollist dhe si trajner e duke patur parasysh se kjo është një sfidë e përjetshme e di rëndësinë që kanë këto 90 minuta. Është një ndeshje vitrinë për futbollin shqiptar. Përsa i përket rezultatit dua të themë se situate në të cilën ndodhemi, me katër pikë, na bën optimist.”

Ndërkohë kapiteni i Vllaznisë, Gilman Lika, I cili në të kaluarën ka luajtur edhe te Tirana, për këtë ndeshje është shprehur:

“Tirana ka kapacitet më të madh se ne, nga ana cilësore ka lojtar më të mirë, por ne jemi të motivuar dhe jemi në shtëpinë tonë, ku do të bëjmë maksimumin, për fitore. Kjo është klasike dhe ne jemi të motivuar.”

Në kampin kundërshtar, te Tirana, pritet që Kristi Vangjeli të bëjë debutimin me fanellën bardheblu, ndërsa për shkak dëmtimesh nuk do të jenë të disponueshëm Andi Lila dhe Augustin Torrasa. Për sfidën me Vllazninë sulmuesi Majkëll Ngoo është shprehur:

“Dy sezone më parë kam luajtur kundër Vllaznisë me Tiranën për Kupë dhe kam fituar. E di rëndësinë e kësaj ndeshje pasi ky është sezoni i tretë në Shqipëri. Nuk do të shkojmë në Shkodër për 1 pikë, por për të fituar dhe përë këtë do të japim 150% që të kënaqen edhe tifozët e Tiranës.”

Ndeshja tjetër e ditës së shtunë është ajo mes Teutës dhe Luftëtarit që do të zhvillohet në Durrës.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Zgjedhjet në SHBA, mbyllen qendrat e para të votimit

Zgjedhjet në SHBA, mbyllen qendrat e para të votimit

6 Nëntor, 00:16