POP 5

Lajmet më të lexuara të 5 minutave të fundit

Tirana

Tirana me stacion të ri të Shërbimit Zjarrfikës, Veliaj: Pas 40 vitesh, një investim model

Tiranës do t’i shtohet një stacion i ri i Shërbimit Zjarrfikës.

Kryetari i Bashkisë së Tiranës, Erion Veliaj, inspektoi punën për ndërtimin e stacionit të ri për shërbimin zjarrfikës në Kinostudio, ku u shpreh se ky investim do t’i shërbejë dy zonave kryesore të kryeqytetit dhe i përshtatet më së miri Tiranës që rritet çdo ditë.

“Jemi duke punuar në kohë rekord, që të kemi një stacion të ri zjarrfikës në Tiranë pas 40 vitesh. Ky stacion, i cili ndodhet në Kinostudio, akseson fare lehtë edhe Unazën ekzistuese, por edhe Unazën e Re. Ai do t’i shërbejë një komuniteti, i cili po rritet shumë vitet e fundit. Shtesa që kemi bërë, si në rroga për zjarrfikësit, në mjete, në uniforma, por edhe në staf, besoj i vjen për shtat Tiranës së rritur në banorë dhe territor. Ne vërtet kemi rritur qytetin, por ndonjëherë harrojmë të rrisim edhe shërbimet. Histori si pandemia apo tërmeti na kujtuan nevojën që kemi për shërbime të tilla”, tha Veliaj.

Kryebashkiaku falenderoi zjarrfikësit për punën e palodhur në ditë të këqija, si ato të tërmetit e pandemisë, apo edhe në ditë të mira, ku ndihmojnë qytetarët për problemet e vogla të përditshmërisë. Ai theksoi se tashmë ka nisur trajnimi i 50 punonjësve, të cilët do t’i bashkohen Shërbimit Zjarrfikës të Tiranës, ndërsa shtoi se do të rifillojnë trajnimet për fëmijët në shkolla dhe kopshte.

“Është shumë e rëndësishme të rifillojmë trajnimet edhe në shkolla, edhe në kopshte, siç kemi bërë çdo vit. Kultura e kërkim-shpëtimit, e dhënies së ndihmës së parë, e evakuimit të një ndërtese ku mund të ketë rënë zjarr ose është dëmtuar nga tërmeti, është shumë e rëndësishme për të gjithë. Këtë kulturë nuk mund ta ketë vetëm punonjësi i zjarrëfikëses, por teksa mbërrin zjarrfikësja, edhe mësuesja, edhe edukatorja, edhe fëmija, duhet të jenë të përgatitur si duhet të veprojnë në situata të tilla”, shtoi Veliaj.

Në fund, ai tha se është e rëndësishme që vendimet t’i marrin profesionistët e fushës. “Është jetike të mbështetemi te profesionistët. T’i besojmë shkencës, mjekut, zjarrëfikësit dhe profesionistëve. Kur dikush thotë se po ndez një zjarr për të djegur ca mbeturina apo po ndërhyj në pallat për të shtuar pak hapësirë, mund të na shkaktojë një dëm të madh tërmetin apo zjarrin e rradhës. Ndaj, duhet besojmë te profesionistët, tek ata që drejtojnë dhe menaxhojnë krizat”, përfundoi kryebashkiaku.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Lali populisti: 28/08/2020 00:22

    ..edhe Zjarrfikësit te Ing.e ndërtimit..,ke mundësi me e zgjeru dhe rregullu..,aty ngjit me inxhinierinë..ke karabinaja e ish uzinës..po e ke mendjen me bo pallate..si Pallati nga mbrapa je Parkimi ministrisë mrenshne

    Përgjigju
  • Opinioni: 27/08/2020 15:43

    Ri'ndërto edhe Zjarrfikësit e Q Studenti ,në Rrugën Budi...,që është si mos më keq..!!

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Gjendet trupi i rabinit të zhdukur Zvi Khogan, ministri izraelit i Mbrojtjes: Përgjegjësit e këtij akti kriminal të paguajnë për veprimet e tyre

Gjendet trupi i rabinit të zhdukur Zvi Khogan, ministri izraelit i Mbrojtjes: Përgjegjësit e këtij akti kriminal të paguajnë për veprimet e tyre

24 Nëntor, 09:30