Thellohet hendeku ekonomik, Kukësi dhe Elbasani për mbijetesë, qarku i Tiranës më i pasuri

Hendeku i të ardhurave për frymë vijon të thellohet në vendin tonë. Kryeqendra e vendit, është në vend të parë për mirëqenien pasi aty është përqendruar edhe veprimtaria më e madhe ekonomike, ndërsa qytetet më problematike janë kryesisht zonat veriore. Të ardhurat mesatare për frymë në vendin tonë në vitin 2018, kanë qenë në nivelin e 571 mijë lekë, por në disa qarqe të vendit një vlerë e tillë është e pamundur për tu realizuar.

Të dhënat e publikuara nga Instituti i Statistikave për vitin 2018, tregojnë se në qarkun e Tiranës, të ardhurat për frymë janë rritur me 5.1%, dhe kanë arritur në nivelin e 783 mijë lekë. Pra të ardhurat për frymë të qytetarëve në këtë qark janë 37.3% mbi mesataren e vendit. Në vend të dytë me të ardhurat më të larta është qarku Fier, me 533 mijë lekë për frymë, duke qenë 5% mbi mesataren e vendit.

Ndërkohë Kukësi rezulton si vendi më i varfër, ku të ardhurat për frymë janë vetëm 10 mijë lekë më shumë se paga minimale në vend. Konkretisht sipas këtij raporti në vitin 2018, të ardhurat për frymë në qarkun e Kukësit ishin 362 mijë lekë. Një nivel i tillë është 36.6 % nën mesataren e vendit. Më pas renditet qarku i Elbasanit me rreth 398 mijë lekë duke qenë 30,3 % nën mesataren e vendit.

Një nivel kaq i ulët i të ardhurave në këto dy qarqe, lidhet edhe me faktin që punësimi në Kukës dhe në Elbasan është i përqendruar më së shumti tek bujqësia. Konkretisht për vitin 2018 në Elbasan 67% e personave punojnë në bujqësi, ndërsa në Kukës janë mbi 64% e qytetarëve që punojnë në sektorin e bujqësisë. Edhe për vitin 2019, sipas të dhënave të INSTAT, e njëjta ndarje vijon të ekzistojë, ku në Kukës 68% e forcës punëtore është përqendruar në bujqësi dhe në Elbasan 64% e fuqisë punëtore.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet