TIRANË - Ministria e Shëndetësisë ka anuluar sot ekzekutimin e vendimit për të mbyllur tregun ushqimor tek ish-Uzina Dinamo.

Ajo i ka lënë kohë shoqërisë Dinamo SH.A, për të kryer rikonstruksione për përmbushjen e standardeve higjieno-sanitare.

Për këtë do të jetë vendimtar një riinspektim dhe raport i Inspektoriatit Sanitar mbi cilësinë e kushteve të tregtimit. 

Në datën 22 gusht u krye një inspektim, i cili konstatoi kushte të papërshtatshme higjienike në kapanonin B të këtij tregu, më i madhi i fruta-perimeve në Tiranë. 

Ndërkohë, dy ditë më parë, policia bashkiake tentoi të mbyllë tregun në orë të vona të mbrëmjes, por hasi në protestën edhe fizike të tregtarëve dhe u detyrua që pas 2-3 orësh protestë t'i lejojë të punojnë si zakonisht..

Redaksia Online
(mag/shqiptarja.com)