Policia e Tiranës në bashkëpunim me Interpol Tirana ka arrestuar sot me qëllim ekstradimi në Itali, 43-vjeçaren Manjola Prifti, banuese në Tiranë. Prifti ishte shpallur në kërkim ndërkombëtar për trafik të lëndëve narkotike.
Manjola Prifti është një personazh jo pak i njohur, pasi ka qenë bashkëshortja e Mirit të Xhikës (Fatmir Rama) i vrarë në Tiranë nga një atentat 15 vjet më parë në ambientet e "Kartodromit", biznesit në pronësi të tij në Lundër. Miri i Xhikes ka qenë një prej kokave të trafikut të drogave të forta nga Shqipëria në drejtim të vendeve të BE.
Aktivitetin e paligjshëm, Fatmir Rama, sipas autoriteteve italiane, e kryente në bashkëpunim me bashkëshorten Manjola Prifti. Çifti, paratë e drogës të fituara në Itali dhe vende të tjera i investoi në biznese në Tiranë. Pas vrasjes së Mirit të Xhikes, e gjithë pasuria kapitale dhe monetare, i kaloi bashkëshortes së tij Manjola Prifti, e cila disa vite më parë ndërtoi në fshatin Vaqarr edhe diskotekën "Doberman Club" në të cilën ishte pronare e vetme e saj.
Autoritetet Gjyqësore Italiane, e kanë dënuar shtetasen Manjola Prifti me 7 vjet, 3 muaj dhe 15 ditë burg, për veprën penale “Pjesëmarrje në organizatë kriminale, me qëllim trafikimin e lëndëve narkotike”, bazuar në nenin 110 të Kodit Penal Italian dhe Neni 73 e 74 të Dekretit të Presidentit Italian nr. 309/90. Sipas drejtësisë italiane, fitimet e nxjerra nga aktiviteti kriminal, Manjola Prifti i ka investuar duke ligjëruar ato në biznese të ndryshme.
Atentati/Si u vra Miri i Xhikes
Vrasja e "Mirit të Xhikes" ka ndodhur më 29 mars të vitit 2003, të kompleksi "Kartodrom", në zonën e Lundrës. Mbrëmjen e kësaj dite, Fatmir Rama, i njohur si Miri i Xhikes, ishte nën shoqërinë e katër personave të tjerë në një nga tavolinat e kompleksit. Në këtë kohë, një breshëri arme zjarri është "derdhur" mbi këtë tavolinë.
Për pasojë, u vranë tre persona, mes të cilëve edhe Fatmir Rama. Për këtë ngjarje prokuroria akuzoi drejpërdrejt të arrestuarin Lavdërim Tufa. Analiza gjenetike krahasuese e ADN-së së Lavdërim Tufës dhe një njolle gjak-pështymë të gjendur në një kapuç pranë vendit të ngjarjes, i ndau në dy grupe, me konkluzione të ndryshme, ekspertët e përcaktuar nga gjykata.
Tre prej tyre arritën në përfundimin se mbetjet e ADN-së nuk përputhen me ADN-në e të akuzuarit Tufa. Pavarësisht kësaj gjykata e Tiranës, pak kohë më parë vendosi të dënojë me 20 vite burg Lavdërim Tufën. Ky i fundit nga momenti i arrestimit ka kundërshtuar, duke pretenduar se ai nuk është autor i vrasjes së Fatmir Ramës.
Lajme të tjera
-
Gjirokastër/ Zhvati 42 mijë euro nëpërmjet mashtrimit, 'Porosia' prangos 27-vjeçarin! Katër muaj hetime, i gjendet dhe armë
9 Nëntor, 12:45 -
Kavajë/ Vodhi makinën ‘Range Rover’ nga servisi, Policia arreston hajdutin 32-vjeçar pas kallëzimit të pronarit
29 Tetor, 11:20 -
Interpoli e kërkonte për trafik droge, kapet në Portin e Durrësit 41-vjeçari gjerman me pasaportë false! Përdori ngjashmërinë me një person tjetër, do ekstradohet
28 Tetor, 10:20 -
Në kërkim ndërkombëtar, arrestohen 3 shqiptarë në Greqi dhe Itali! Pritet ekstradimi
26 Tetor, 11:51 -
Champions League në aktin e dytë, spikat Barcelona - Bayern Munich! City përballë shqiptarëve, Liverpool e Inter në udhëtim
23 Tetor, 09:18 -
VIDEO/ Arrestohet në Kolumbi bossi i mafies italiane, Gustavo Nocella! Tavolina e bilardos i "solli" policinë në shtëpi
22 Tetor, 16:06 -
Durrës/ I shpallur në kërkim për korrupsion pasiv, arrestohet ish-zyrtari 35-vjeçar! Gjykata kishte caktuar masën ‘arrest me burg’
22 Tetor, 14:52 -
I shpallur në kërkim ndërkombëtar, arrestohet 38 vjeçari në Belsh me qëllim ekstradimin në Itali
15 Tetor, 09:16 -
Korçë/ Ishte shpallur në kërkim se nuk iu bind policisë por u largua me makinë, arrestohet 33 vjeçari
14 Tetor, 09:56 -
Në kërkim nga Interpol Moska për përfshirje në hierarki kriminale, avokatët Ardian Visha dhe Isuf Shehu thirrje qeverisë të mos ekstradojnë në Rusi, Igor Kokunov
30 Shtator, 15:40 -
Shpërndante drogë në lagjet e kryeqytetit, 26-vjeçari arrestohet pak pasi shiti kanabis te dy të rinj! Nën hetim edhe blerësit
24 Shtator, 11:10 -
Itali/ Të fshehura në garderobë dhe makinë, shqiptari kapet me 183 gramë kokainë e mbi 3 mijë euro cash
23 Shtator, 13:48
