Tiranë/ Asfaltohet rruga ‘Xhoxhi Martini’ në Njësinë 2! Drejtori i bashkisë: Ndërhyrje të tjera për transformimin e lagjes

Një tjetër rrugë në kryeqytet po i bashkohet listës së investimeve të përfunduara. Bashkia e Tiranës ka nisur asfaltimin e rrugës “Xhoxhi Martini” dhe rrugicave lidhëse mes bllokut të pallateve në Njësinë 2, duke I dhënë një tjetër pamje kësaj zonë të rëndësishme.

Rruga “Xhoxhi Martini” dhe akset lidhëse mes bllokut të pallateve në Njësinë 2, po asfaltohen nga Bashkia e Tiranës, duke i dhënë një pamje tjetër kësaj zone të rëndësishme të qytetit.

Drejtori i Përgjithshëm i Rrugëve dhe Ndriçimit Publik, Erind Bejko, tha se me përfundimin e asfaltit, por edhe të ndërhyrjeve të tjera në sistemin kullues dhe sinjalistikën rrugore, lagjja do të transformohet plotësisht.

“Prej më se një jave jemi fokusuar në këtë bllok pallatesh. Është punuar nën tokë me zgarat e shiut, është punuar me asfaltimin, me ndriçimin dhe tani fillojmë me sinjalistikën horizontale dhe vertikale”, tha Erind Bejko Drejtor i Përgjithshëm i Rrugëve dhe Ndriçimit Publik.

Ky është një tjetër investim që iu shtua zinxhirit të ndërhyrjeve në segmentet rrugore të qytetit të Tiranës, investim i cili do të plotësojë infrastrukturën e kësaj zone me ndriçim të përmirësuar, si dhe me sinjalistikë rrugore.

M.T/r.k./Shqiptarja.com

TAG:
• bashkia tirane
• Tirane