TIRANE- Banorët e Laknasit dhe Bërxullit protestojnë për sigurinë rrugore. Të mbledhur në mes të rrugës së re të ndërtuar pranë lagjes së tyre, banorët e këtyre zonave kanë bllokuar dhe punimet e rikonstruksionit të rrugës Bërxullë- Laknas.

Ata kërkojnë ndërtimin e një rruge me standarde, pasi mungesa e trotuareve, mbikalimit, kanalizimeve dhe ndriçimit për ta e bën rrugën të pavlefshme, pasi rrezikohen nga aksidentet.

Banorët shkojnë më tej duke e konsideruar si rruga e vdekjes, ndërsa kërkojnë ndërhyrjen e shtetit për aq kohë sa bashkia e Kamzës nuk i përfill.

Redaksia Online
(e.s/shqiptarja.com)