POP 5

Lajmet më të lexuara të 5 minutave të fundit

Kronikë

Tiranë/ Djali 12-vjeçar i vdiq te Pediatria e QSUT, nëna e Leo Sadikajt dhunon mjeken, 44-vjeçarja merret nën hetim

Specialistët për Hetimin e Krimeve të Komisariatit të Policisë Nr. 4 në Tiranë njoftuan sot, se referuan materialet në Prokurori për Roveta Sadikun, 44 vjeçe, për veprën penale “goditje për shkak të detyrës”. Kallëzimi nga mjekja, ngjarja ndodhi dje

Tiranë/ Djali 12-vjeçar i vdiq te Pediatria e QSUT, nëna e Leo Sadikajt dhunon mjeken, 44-vjeçarja merret nën hetim

Roveta Sadiku, nëna e Leos 12-vjeçar që humbi jetën te Pediatria

Tiranë- Dhimbja për familjen Sadiku nga Maliqi i Korçës është ende e madhe, po aq sa indinjata për pretendimet për mjekimin e gabuar që iu dha djalit 12-vjeçar, Leo, i cili humbi jetën më 8 janar në QSUT, ku ishte shtruar me urgjencë.

Specialistët për Hetimin e Krimeve të Komisariatit të Policisë Nr. 4 në Tiranë njoftuan sot (28 Janar), se referuan materialet në Prokurori për Roveta Sadikun, 44 vjeçe, për veprën penale “goditje për shkak të detyrës”. Kallëzimi është bërë dje nga vetë mjekja, pak minuta pas incidentit.

“Kallëzimi është bërë shtetasja J. B., mjeke në Spitalin Pediatrik, se 44-vjeçarja ka ushtruar dhunë fizike ndaj saj, në ambientet e këtij spitali, me pretendimin se ajo ka neglizhuar mjekimin e djalit  12-vjeçar, i cili ka humbur jetën më datë 08.01.2025, në këtë spital”, njofton policia.

Leo Sadiku, 12-vjeç nga fshati Pocestë i Maliqit, ndërroi jetë mëngjesin e 8 Janarit në Qendrën Spitalore Universitare të Tiranës. I mituri ishte transportuar një ditë më parë në gjendje të rëndë nga Spitali i Korçës me tension të lartë, glicemi të lartë, të vjella dhe temperaturë.

QSUT zyrtarisht tha se pacienti është diagnostikuar me miokardit akut, një sëmundje e rrallë dhe e rrezikshme, e cila shoqërohet me shkallë të lartë të vdekshmërisë. 

“Pavarësisht kujdesit maksimal dhe trajtimeve të kryera sipas protokolleve mjekësore, ndarja nga jeta e pacientit ka qenë e pamundur të parandalohet”, thuhej në njoftim.

Por këtë konstatim mjekësor nuk e kanë pranuar familjarët, që akuzojnë për mjekim të gabuar që ka sjellë vdekjen e të miturit.

A.Q/R.D/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 5 Shkurt, 10:32

    Informaliteti e nëndeklarimi pagave po dëmtojnë pensionet, sa po luftohen?

Lajme të tjera



×

Lajmi i fundit

Mero Baze: Gjunjëzimi i PD para 'Kandidatit për Kryeministër'

Mero Baze: Gjunjëzimi i PD para 'Kandidatit për Kryeministër'

5 Shkurt, 23:02 nga Mero Baze