TIRANË- Leo Sadiku, 12-vjeç nga fshati Pocestë i Maliqit, ndërroi jetë mëngjesin e së mërkurës në Qendrën Spitalore Universitare të Tiranës. I mituri ishte transportuar një ditë më parë në gjendje të rëndë nga Spitali i Korçës drejt Pediatrisë së QSUT me tension të lartë, glicemi të lartë, të vjella dhe temperaturë.
QSUT zyrtarisht tha se pacienti është diagnostikuar me miokardit akut, një sëmundje e rrallë dhe e rrezikshme, e cila shoqërohet me shkallë të lartë të vdekshmërisë. Pavarësisht kujdesit maksimal dhe trajtimeve të kryera sipas protokolleve mjekësore, ndarja nga jeta e pacientit ka qenë e pamundur të parandalohet, thuhet në njoftim.
Për shkak të moshës së re dhe vdekjes së papritur nga zemra, Policia e Korçës ka nisur hetimet për të zbuluar nëse ka pasur neglizhencë mjekësore gjatë trajtimit në spitalin e Korçës, ku fëmija u paraqit me simptomat e gripit. 12-vjeçari kishte dalë nga ky spital më 31 dhjetor për t’u rikthyer në gjendje të rëndë më 7 janar. Mjekët e Korçës e kanë nisur në Tiranë për mjekim të specializuar, ku dhe humbi jetën për shkak të miokardit akut.
Jashtë kamerës, familjarët thanë se djali ka qenë i shëndetshëm dhe nuk ka vuajtur nga asnjë sëmundje, madje merrej me futboll. Sipas tyre, mjekët nuk e trajtuan siç duhej, e shtruan për COVID, por pati shtrëngim në gjoks dhe humbi jetën.
Ata theksuan se 12-vjeçari ka pasur vetëm virozë dhe asgjë tjetër kur ishte i shtruar 10 ditë më parë në Korçë. Sipas familjarëve, fëmija nuk vuante nga zemra as diabeti, pavarësisht se ditën e fundit, për shkak të mjekimit, niveli i glicemisë në gjak ishte tejet i lartë.
Pavarësisht këtyre pretendimeve për mjekim të gabuar, familjarët nuk kanë pranuar të kryejnë ekspertizën mjeko-ligjore, çka e vështirëson hetimin e Policisë së Korçës për zbardhjen e plotë të shkakut të vdekjes së 12-vjeçarit.
QSUT ka reaguar për vdekjen e 12-vjeçarit Leo Sadiku. Teksa u shpreh ngushëllimet familjarëve, QSUT në reagimin për mediat thotë se 12-vjeçari u nda nga jeta si pasojë e miokardit akut. QSUT shpjegon se i mituri u shtrua në Pediatrinë e QSUT më datë 7 janar 2025 dhe ka ndërruar jetë më datë 8 janar 2025, në orën 01:45.
"QSUT i shpreh ngushëllimet më të thella familjes së 12-vjeçarit L.S në këtë moment të vështirë. Nisur nga interesi i publikut për rastin tragjik të ndarjes nga jeta të 12-vjeçarit, informojmë se pacienti L.S. është hospitalizuar në Spitalin Pediatrik të QSUT më datë 7 janar 2025 dhe ka ndërruar jetë më datë 8 janar 2025, në orën 01:45, në Shërbimin e Terapisë Intensive Pediatrike. Pas ekzaminimeve të kryera, pacienti është diagnostikuar me miokardit akut, një sëmundje e rrallë dhe e rrezikshme, e cila shoqërohet me shkallë të lartë të vdekshmërisë.
Pavarësisht kujdesit maksimal dhe trajtimeve të kryera sipas protokolleve mjekësore, ndarja nga jeta e pacientit ka qenë e pamundur të parandalohet. Duke mirëkuptuar dhimbjen e familjes dhe interesin e publikut, QSUT riafirmon përkushtimin për transparencë dhe për ofrimin e trajtimeve më të mira për çdo pacient", thuhet në reagim.
Lulet në bankën e Leo Sadikut
Homazhe në shkollën 9-vjeçare Vashtëmi në Maliq, për 12-vjeçarin Leo Sadiku që u nda nga jeta. Bashkëmoshatarët e tij kanë vendosur në bankën e 12-vjeçarit lule, ndërsa shkolla në një mesazh prekës thotë se Leo do të jetë gjithmonë me ne.
“Stafi mësimor dhe nxënësit e shkollës sonë humbën sot në mënyrë të papritur nxënësin e klasës së shtatë Leo Sadiku. I shprehim ngushëllime të sinqerta familjes Sadiku! Leo do të jesh gjithmonë me ne”, shkruan shkolla 9-vjeçare Vashtëmi.
12-vjeçari që humbi jetën, Leo Sadiku
12-vjeçari Leo Sadiku që humbi jetën në QSUT ëndërronte të bëhej futbollist. Ai ishte pjesë e KF Maliqit, U-13. Ekipi i KF Maliqit përmes një postimi në Facebook ka shprehur ngushëllimit për ndarjen e tij nga jeta.
“Prehu në paqe Leo Sadiku! Jemi thellësisht të tronditur nga ngjarja tragjike, ku për shkak të probleme shëndetësore ka humbur jetën në moshën 12-vjeçare, futbollisti i Maliqit U-13.
Klubi i shpreh ngushëllimet më të sinqerta familjes Sadiku për këtë humbje të rëndë! Zoti u dhëntë forcë për ta përballuar dhimbjen e madhe “, shkruan KF Maliqi.
Komente
Lajme të tjera
-
Hiqet tumori në kokë përmes vetullës, realizohet ndërhyrja e vështirë në QSUNT
8 Janar, 12:13 -
Tradita që sfidon kohën/ Familja Mato hap dyert për Report Tv: Çfarë gatuajmë për Ditën e Ujit të Bekuar! Ritet e zakonet ndër breza
6 Janar, 19:06
-
Festohet Dita e Ujit të Bekuar, ortodoksët në të gjithë vendin kryejnë ritin e hedhjes së kryqit në ujë! Në Gjirokastër 13- vjeçari i vetëm në garë
6 Janar, 08:33 -
Korçë/ Tentoi të kalonte ilegalisht shokun e tij duke e fshehur në bagazhin e makinës, arrestohet shoferi në Qafë-Thanë! Vihet në hetim 20-vjeçari
5 Janar, 17:03 -
Aksident në Pogradec, mjeti del nga rruga! Dy shoferë të plagosur
5 Janar, 13:14 -
Zaloshnja: Juglindja është bërë alternativa joverore e Jugperëndimit, por…
5 Janar, 13:00
-
Pogradec/ Banesat u shkrumbuan nga flakët, 4 familje në qiell të hapur! Kryetari: Mbulojmë shpenzimet e qiranë! Gruaja që iu dogj shtëpia: Vet e di si shpëtova
5 Janar, 12:50
-
Korçë/ 1.5 metër borë në Mashkullorë, kalimi i mjeteve vetëm me zinxhirë! Mjetet borëpastruese në terren
5 Janar, 11:29
-
Pogradec/ Zjarri shkrumbon ndërtesën dykatëshe, evakuohen të gjithë banorët! Vatra ra te banesa e një të moshuari! Digjen dy shtëpi, shpëtohet e treta (VIDEO)
4 Janar, 22:15
-
“Dhjetë muaj në arrati kishte qëndruar në një shpellë me një ujk”- Dëshmia e rrallë e at Zef Pllumit për kënetën e Maliqit
4 Janar, 22:13 -
Aksident në aksin Pogradec-Qafë Thanë/ 3 makina përplasen me njëra-tjetrën
4 Janar, 11:42 -
Aksidenti me dy të lënduar në Korçë, arrestohet autori
3 Janar, 12:42
Nje engjell u ngrit ne qiell
Përgjigju